पर्सामा १० वर्षीया बालिका माथि जबरजस्ती करणी

काठमाण्डौँ । पर्सा जिल्लाको सखुवा प्रशौनी गाउँपालिका–५, बलुवा टोलमा एक हृदयविदारक र गम्भीर घटना सार्वजनिक भएको छ । स्थानीय स्रोतका अनुसार, १० वर्षीया बालिका माथि दुई जना मिलेर जबरजस्ती करणी गरेको आरोप लागेको छ । पीडित बालिकाका बुवा का अनुसार, घटना २०८२ साल चैत १७ गते दिउँसो करिब १ बजे भएको हो । आरोपितहरूले बालिकालाई फकाएर आफ्नो घरतर्फ लगेर पटक–पटक जबरजस्ती करणी गरेको बताइएको छ ।

घटनापछि गरिएको स्वास्थ्य परीक्षणमा समेत जबरजस्ती करणी भएको पुष्टि भइसकेको छ, जसले घटनालाई थप गम्भीर बनाएको छ । उक्त घटनापछि २०८२ साल चैत १८ गते औपचारिक रूपमा जाहेरी दर्ता गरिएको छ । यस घटनामा संलग्न रहेको आरोपमा सोही स्थानका रुपेश यादव र लडु यादव कजन दाजुभाइ फरार रहेका छन् र उनीहरूको खोजी कार्य जारी रहेको बताइएको छ ।

घटनापछि पीडित परिवारले न्यायको अपेक्षा राख्दा, समाजकै केही व्यक्तिबाट धम्की, दबाब तथा घटना लुकाउने प्रयास भइरहेको आरोपसमेत लागेको छ । पीडित पक्षका अनुसार, मुचुल्का लिन गएको प्रहरी टोलीलाई समेत गाउँका केही व्यक्तिहरूले अवरोध गर्दै फर्काएको बताइएको छ, जसले घटनामा निष्पक्ष अनुसन्धानमा चुनौती थपिएको देखिन्छ । स्थानीय स्तरमा जातीय तथा सामाजिक दबाबका कारण घटना दबाउने प्रयास भएको र पीडित परिवारलाई झन् मानसिक तथा सामाजिक पीडा दिइएको अवस्था रहेको जनाइएको छ ।

यस घटनाले समाजमा बालबालिका र महिलाको सुरक्षामाथि गम्भीर प्रश्न उठाएको छ भने, कानुन कार्यान्वयन र सामाजिक उत्तरदायित्वमाथि पनि ठूलो चिन्ता व्यक्त गरिएको छ । हाल पीडित परिवारले दोषीहरूलाई यथाशीघ्र पक्राउ गरी कडा कानुनी कारबाही गर्न तथा निष्पक्ष न्याय दिन सम्बन्धित निकायसँग माग गरेका छन् ।

एक्सप्रेस

सम्बन्धित खबर

ठुलो आवाज निकाल्ने ८ मोटरसाइकल प्रहरी नियन्त्रणमा

काठमाडौँ। अनावश्यक ठुलो आवाज निकाल्ने ८ मोटरसाइकल प्रहरीले नियन्त्रणमा लिएको छ ।

काठमाडौँ उपत्यकाको नेपालटार डाँडागाउँ स्थित सडक खण्डमा गरिएको विशेष चेकिङको क्रममा ८ ओटा ठुलो आवाज निकाल्ने तथा स्वरुप परिवर्तन गर्ने मोटरसाईकललाई...

म्यादी प्रहरी भर्ना सुरु, युवाको चासो बढ्यो

काठमाडौँ । प्रतिनिधिसभा निर्वाचनका लागि म्यादी प्रहरी भर्ना प्रक्रिया शुक्रबारदेखि सुरु भएको छ । पुस २५ देखि माघ १ गतेसम्म दरखास्त दिन सकिने गरी १ लाख ३३ हजार ९ सय ८० म्यादी प्रहरी माग गरिएको छ ।

पहिलो दिनमै फारम भर्न युवाको उल्लेख्य उ...

जेनजी मुभमेन्ट नेपालद्वारा तत्कालीन प्रधानमन्त्री र गृहमन्त्री मात्र नभई सुरक्षा निकायका आरोपी व्यक्तिहरूलाई समेत पक्राउ गर्न माग

मिडियाबाजी डटकम काठमाडौँ ।जेन्जी आन्दोलनका क्रममा भएको दमनप्रति लक्षित गर्दै जेनजी मुभमेन्ट नेपालले तत्कालीन प्रधानमन्त्री र गृहमन्त्री मात्र नभई संलग्न सुरक्षा निकायका जिम्मेवार व्यक्तिहरूलाई समेत पक्राउ गरी कारबाही प्रक्रिया अगाडि बढाउन सरकारसँग...