बुधबार, ३१ असार २०८३
नेपाली

‘आलोचनाले होइन, एकताले चुनाव जितिन्छ’ — ओलीका टिप्पणीमा सुरेन्द्र पाण्डेको संयमित प्रतिवाद

Main News Image

काठमाडौँ । नेकपा एमालेभित्र सार्वजनिक अभिव्यक्तिका कारण देखिएको तिक्तताप्रति नेता सुरेन्द्र पाण्डेले स्पष्ट र सन्तुलित धारणा राखेका छन् । पार्टी अध्यक्ष केपी शर्मा ओलीले आफू लक्षित गर्दै दिएका टिप्पणीप्रति प्रत्यक्ष विवादमा नउत्रँदै पाण्डेले निर्वाचनको संवेदनशील समयमा नेतृत्वको भूमिकामाथि प्रश्न उठाएका छन् ।

सामाजिक सञ्जालमार्फत प्रतिक्रिया जनाउँदै पाण्डेले चुनावी घडीमा पार्टीलाई एकताबद्ध राख्नु नेतृत्वको प्रमुख दायित्व भएको उल्लेख गरेका छन् । यस्तो अवस्थामा नेतृत्वका शब्दहरूले कार्यकर्ताको मनोबल कमजोर पार्ने होइन, बरु सबैलाई जोड्ने शक्ति दिनुपर्ने उनको भनाइ छ ।

उनले वैचारिक मतभेदलाई स्वाभाविक राजनीतिक प्रक्रिया ठहर गर्दै मत फरक हुँदैमा कसैलाई कम आँक्ने संस्कार आफूमा नरहेको स्पष्ट पारेका छन्। ‘वैचारिक असहमति राख्ने साथीहरू पनि उत्तिकै आदरणीय एमाले हुन्,’ पाण्डेको भनाइ छ, ‘मत फरक भयो भन्दै पूर्वाग्रह राख्नु मेरो राजनीतिक चरित्र होइन।’

टिकट वितरणको विषयमा पार्टीभित्र असन्तुष्टि देखिए पनि पाण्डेले त्यसलाई पार्टी हितकै लागि स्वीकार गरिएको जनाएका छन्। ‘टिकट वितरणको क्याल्कुलेसनलाई हामीले कुनै विरोध नगरी स्वीकार गर्‍यौं,’ उनले लेखेका छन्, ‘तर पार्टीलाई जिताउने साझा संकल्पमा पूर्वाग्रही टिप्पणीले कुनै सकारात्मक अर्थ राख्दैन ।’

पार्टीभित्रैका सहयोद्धालाई सार्वजनिक रूपमा न्युनिकरण गर्नु राजनीतिक परिपक्वता नभएको टिप्पणी गर्दै पाण्डेले संस्थागत निर्णय र सामूहिक विचारको आधारमा बाह्य प्रतिस्पर्धाको सामना गर्नु आवश्यक रहेको धारणा व्यक्त गरेका छन् । अहिले आफू टिप्पणीको खण्डनमा समय नखर्ची एमालेका उम्मेदवारलाई जिताउन र संगठनको साख जोगाउन मैदानमै खटिएको उनले बताएका छन् ।


यसअघि अध्यक्ष ओलीले सुरेन्द्र पाण्डे, योगेश भट्टराई, बिन्दा पाण्डे तथा गोकुल बाँस्कोटालगायत नेताहरूमाथि सार्वजनिक रूपमा टिप्पणी गर्दै उनीहरूको चुनावी सम्भावनामाथि प्रश्न उठाएका थिए। ओलीका ती अभिव्यक्तिले पार्टीभित्र असहजता सिर्जना गरेको बेला पाण्डेको प्रतिक्रिया आएको हो ।


mediabaaji add

सम्बन्धित खबर

जाँचबुझ आयोगको म्याद एक महिना थप गर्ने सरकारको निर्णय

काठमाडौँ । सरकारले भदौ २३ र २४ गतेको घटना सम्बन्धी जाँचबुझ आयोगको म्याद एक महिना थप गर्ने निर्णय गरेको छ । सिंहदरबारमा बिहीबार बसेको मन्त्रिपरिषद् बैठकले जाँचबुझ आयोगको म्याद एक महिना थप गर्ने निर्णय गरेको सरकारका प्रवक्ता एवं सूचना तथा सञ्चारमन्त...

एमाले अध्यक्ष ओलीलाई अभिनन्दन

काठमाण्डौँ ।  पूर्वप्रधानमन्त्री एवम् नेकपा एमालेका अध्यक्ष केपी शर्मा ओलीलाई दमक २ को हिमशिखर टोल विकास संस्थामा आयोजित कार्यक्रममा अभिनन्दन गरिएको छ । विकास निर्माण र राष्ट्रियताका पक्षमा लिएको अडान र अगुवाईको उच्च सम्मान गर्दै अभिनन्दन गरि...

सिराहा-४ मा रास्वपाका तपेश्वर यादवको शानदार विजय

सिराहा । सिराहा निर्वाचन क्षेत्र नम्बर ४ मा राष्ट्रिय स्वतन्त्र पार्टी रास्वपाका उम्मेदवार तपेश्वर यादव भारी मतान्तरसहित विजयी भएका छन् । शनिबार साँझ सम्पन्न अन्तिम मतगणनाको परिणामअनुसार यादवले ३६ हजार २१० मत प्राप्त गर्दै करिब २८ हजारभन्दा बढी मत...

अमेरिकी सहायक विदेशमन्त्री एस. पल कपुर काठमाडौंमा

काठमाडौँ । अमेरिकी विदेश मन्त्रालयका दक्षिण तथा मध्य एसियाली मामिला हेर्ने सहायक विदेशमन्त्री एस। पल कपुर आज काठमाडौं आइपुगेका छन्। अमेरिकी राष्ट्रपति डोनाल्ड ट्रम्पका विश्वासपात्र मानिने कपुर नेपालमा बालेन शाहको नेतृत्वमा नयाँ सरकार गठन भएपछि पहि...

एमालेले चुनावको तयारी पनि गर्छ, संसद् पुनः स्थापनाको मुद्दा पनि अघि बढाउँछ : ज्ञवाली

काठमाडौँ । नेपाल कम्युनिस्ट पार्टी एमालेका उपमहासचिव प्रदीप ज्ञवालीले आफ्नो पार्टीले चुनावको तयारी र संसद् पुनः स्थापनाको मुद्दा सँगसँगै अगाडि बढाउने बताएका छन् । यहाँको सुनबलमा आज आयोजित कार्यकर्ता भेटघाट कार्यक्रममा...

जाँचबुझ आयोगको प्रतिवेदन ग्रहण गर्ने मन्त्रिपरिषद्को निर्णय

काठमाडौँ । सरकारले भदौ २३ र २४ को घटनासम्बन्धी जाँचबुझ आयोगको प्रतिवेदन ग्रहण गर्ने निर्णय गरेको छ । प्रधानमन्त्री निवास बालुवाटारमा आइतबार बसेको मन्त्रिपरिषद् बैठकले जाँचबुझ आयोगले पेश गरेको प्रतिवेदन अध्ययन गर्ने गरि नेपाल सरकार मन्त्रिपरिषद्ले...