‘आलोचनाले होइन, एकताले चुनाव जितिन्छ’ — ओलीका टिप्पणीमा सुरेन्द्र पाण्डेको संयमित प्रतिवाद
काठमाडौँ । नेकपा एमालेभित्र सार्वजनिक अभिव्यक्तिका कारण देखिएको तिक्तताप्रति नेता सुरेन्द्र पाण्डेले स्पष्ट र सन्तुलित धारणा राखेका छन् । पार्टी अध्यक्ष केपी शर्मा ओलीले आफू लक्षित गर्दै दिएका टिप्पणीप्रति प्रत्यक्ष विवादमा नउत्रँदै पाण्डेले निर्वाचनको संवेदनशील समयमा नेतृत्वको भूमिकामाथि प्रश्न उठाएका छन् ।
सामाजिक सञ्जालमार्फत प्रतिक्रिया जनाउँदै पाण्डेले चुनावी घडीमा पार्टीलाई एकताबद्ध राख्नु नेतृत्वको प्रमुख दायित्व भएको उल्लेख गरेका छन् । यस्तो अवस्थामा नेतृत्वका शब्दहरूले कार्यकर्ताको मनोबल कमजोर पार्ने होइन, बरु सबैलाई जोड्ने शक्ति दिनुपर्ने उनको भनाइ छ ।
उनले वैचारिक मतभेदलाई स्वाभाविक राजनीतिक प्रक्रिया ठहर गर्दै मत फरक हुँदैमा कसैलाई कम आँक्ने संस्कार आफूमा नरहेको स्पष्ट पारेका छन्। ‘वैचारिक असहमति राख्ने साथीहरू पनि उत्तिकै आदरणीय एमाले हुन्,’ पाण्डेको भनाइ छ, ‘मत फरक भयो भन्दै पूर्वाग्रह राख्नु मेरो राजनीतिक चरित्र होइन।’
टिकट वितरणको विषयमा पार्टीभित्र असन्तुष्टि देखिए पनि पाण्डेले त्यसलाई पार्टी हितकै लागि स्वीकार गरिएको जनाएका छन्। ‘टिकट वितरणको क्याल्कुलेसनलाई हामीले कुनै विरोध नगरी स्वीकार गर्यौं,’ उनले लेखेका छन्, ‘तर पार्टीलाई जिताउने साझा संकल्पमा पूर्वाग्रही टिप्पणीले कुनै सकारात्मक अर्थ राख्दैन ।’
पार्टीभित्रैका सहयोद्धालाई सार्वजनिक रूपमा न्युनिकरण गर्नु राजनीतिक परिपक्वता नभएको टिप्पणी गर्दै पाण्डेले संस्थागत निर्णय र सामूहिक विचारको आधारमा बाह्य प्रतिस्पर्धाको सामना गर्नु आवश्यक रहेको धारणा व्यक्त गरेका छन् । अहिले आफू टिप्पणीको खण्डनमा समय नखर्ची एमालेका उम्मेदवारलाई जिताउन र संगठनको साख जोगाउन मैदानमै खटिएको उनले बताएका छन् ।
यसअघि अध्यक्ष ओलीले सुरेन्द्र पाण्डे, योगेश भट्टराई, बिन्दा पाण्डे तथा गोकुल बाँस्कोटालगायत नेताहरूमाथि सार्वजनिक रूपमा टिप्पणी गर्दै उनीहरूको चुनावी सम्भावनामाथि प्रश्न उठाएका थिए। ओलीका ती अभिव्यक्तिले पार्टीभित्र असहजता सिर्जना गरेको बेला पाण्डेको प्रतिक्रिया आएको हो ।
एक्सप्रेस
सम्बन्धित खबर
निर्वाचन सुरक्षा : फागुन १८ रातिदेखि कोशीमा भारत–नेपाल सीमा बन्द
विराटनगर । आगामी फागुन २१ गते हुने प्रतिनिधिसभा निर्वाचनलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा बनाइने भएको छ । निर्वाचनको निष्पक्षता र शान्तिपूर्ण वातावरण सुनिश्चित गर्न सीमा नाका ७२ घण्टाका लागि पूर्ण रूपमा बन्द गर्ने निर...
एमाले अध्यक्ष ओली केही दिन अस्पतालमै रहने
काठमाडौँ । नेपाल कम्युनिष्ट पार्टी एमालेका अध्यक्ष एवं पूर्व प्रधानमन्त्री केपी शर्मा ओली स्वास्थ्योपचारका लागि केही दिन अस्पतालमै रहने छन् । जेनजी आन्दोलन घटनाको छानबिन गर्न गठित उच्चस्तरीय आयोगको प्रतिवेदनका आधारमा अनुसन्धानका क्रममा प्रहरी हिरा...
समयमै काम नसक्ने व्यवसायीसँग निर्माण ठेक्का तोडिन्छः मन्त्री घिसिङ
चन्द्रपुर । भौतिक पूर्वाधार तथा यातायात, सहरी विकास एवं ऊर्जामन्त्री कुलमान घिसिङले समयमै पूर्वाधार निमार्ण सम्पन्न नगरे निर्माण कम्पनीको ठेकेदारसँग ठेक्का तोड्ने चेतावनी दिएका छन् । आज रौतहटको चन्द्रपुर नगरपालिका&ndas...
कांग्रेसले ३ दिन झण्डा आधा झुकाउने, आइतबार सबै कार्यालय बन्द गर्ने
काठमाडौँ । नेपाली कांग्रेसले पूर्व केन्द्रीय सदस्य मोहम्मद अफताव आलमको निधनप्रति गहिरो दुःख व्यक्त गर्दै शोक प्रस्ताव पारित गरेको छ । पार्टी केन्द्रीय कार्यालयमा बसेको आकस्मिक बैठकले आलमप्रति श्रद्धाञ्जली व्यक्त गर्दै...
निर्वाचनको तयारीमा आयोग : एआईको समेत अनुगमन हुने
काठमाडौँ । निर्वाचन आयोगले २०८२ साल फागुन २१ गते हुने प्रतिनिधिसभा सदस्य निर्वाचनका लागि स्वीकृत कार्यतालिका अनुसार यस हप्ता विभिन्न महत्वपूर्ण कार्यक्रम सम्पन्न गरेको छ । आयोगका अनुसार निर्वाचन आचारसंहिता पारित गर्नुका साथै राजनीतिक दलको समानुपात...
प्रतिनिधिसभा निर्वाचनका लागि ३८ दल दर्ता
काठमाडौँ । निर्वाचन आयोगले प्रतिनिधिसभा निर्वाचन प्रयोजनका लागि हालसम्म ३८ दल दर्ता भएको जनाएको छ । आयोगका प्रवक्ता नारायणप्रसाद भट्टराईले जानकारी दिँदै भने, प्रतिनिधिसभा निर्वाचनका लागि ३८ दल दर्ता भइसकेका छन् भने राष...



