प्रज्ञा-प्रतिष्ठानका आजीवन सदस्यले अब दोहोरो सुविधा भत्ता नपाउने

काठमाडौँ । नेपाल प्रज्ञा-प्रतिष्ठानको वर्तमान प्राज्ञ परिषद्का कुलपति भूपाल राईको अध्यक्षतामा २०७९ साल फागुन ११ गते बसेको बैठकले प्रज्ञा-प्रतिष्ठानका आजीवन सदस्यले लिइरहेको दोहोरो भत्ता रोक्ने निर्णय गरेको थियोे।

परिषद्को उक्त निर्णयको विरुद्ध प्राडा वासुदेव त्रिपाठीलगायत ११ जना आजीवन प्राज्ञ सदस्यले सर्वोच्च अदालतमा दायर गरेको रिट निवेदनमा यस अघि सर्वोच्चले अन्तरिम आदेश दिएको थियो । तर मिति २०८२ चैत १ गतेका दिन माननीय न्यायाधीश मनोजकुमार शर्मा र माननीय न्यायाधीश नृपध्वज निरौलाको संयुक्त इजलासबाट उक्त रिट निवेदन खारेज भएको छ।

दोहोरो सुविधा भत्ता लिँदै आएका ११ जना आजीवन सदस्यहरु यसप्रकार छन् ।

१. प्रा.डा वासुदेव त्रिपाठी ,

२. प्रा. डा. चूडामणि बन्धु रेग्मी,

३. गङ्गाप्रसाद उप्रेती,

४. प्रा. डा. योगेन्द्रप्रसाद यादव,

५. तीर्थबहादुर श्रेष्ठ ,

६ आर. डी. ‘प्रभास’ चटौत (राजेश्वरीदत्त चटौत) ७. अशेषकुमार मल्ल,

८. डा. धुवचन्द्र गौतम,

९. तोया गुरुङ,

१०. तुलसीप्रसाद जोशी (तुलसी दिवस) ११.शशीविक्रम शाह

परिषद्ले निर्णय गरेको ३ वर्षपछाडी भएको अदालतको फैसला अनुसार अब उपरान्त ती आजीवन सदस्यहरूलाई दोहोरो सुविधा पाउने गरी प्रज्ञाप्रतिष्ठानले भत्ता प्रदान गर्नुपर्ने छैन ।

एक्सप्रेस

सम्बन्धित खबर

मातृका पोखरेलको कथा संग्रह ‘मलाई पनि निद्रा लागेन’ सार्वजनिक

काठमाण्डौँ । साहित्यकार मातृका पोखरेलको नयाँ कथा संग्रह ‘मलाई पनि निद्रा लागेन’ शुक्रबार काठमाडौँमा आयोजित विशेष कार्यक्रममा सार्वजनिक गरिएको छ । वरिष्ठ साहित्यकार नगेन्द्रराज शर्माको प्रमुख आतिथ्यतामा सम्पन्न कार्यक्रममा नेपाल स्रष्टा समाजका अध्य...