कुलमानले गरे विपद् प्रभावित रोशी क्षेत्रको निरीक्षण

काठमाडौँ । ऊर्जा, जलस्रोत तथा सिँचाइ, भौतिक पूर्वाधार तथा यातायात तथा सहरी विकास मन्त्री कुलमान घिसिङले गत वर्ष असोजमा परेको अविरल वर्षासँगै आएको बाढी र पहिरोले क्षति पुर्‍याएको काभ्रेपलान्चोकको रोशी गाउँपालिका र नमोबुद्ध नगरपालिकाका विभिन्न वडाको स्थलगत निरीक्षण गरेका छन् ।

क्षति प्रभावित क्षेत्रका बासिन्दाहरूले सडक, पुल, खानेपानी र स्वास्थ्य चौकीहरू अझै पुनर्निर्माण नभएको गुनासो गरेपछि मन्त्री घिसिङले सडक विभागका महानिर्देशक, स्थानीय पूर्वाधार विकास विभागका महानिर्देशक, सिँचाइ डिभिजन प्रमुखलगायतको टोलीसहित निरीक्षण गरेका हुन् ।

निरीक्षणको क्रममा मन्त्री घिसिङले रोशी नदीले पुर्‍याएका क्षति भएका संरचनाको पुनर्निर्माण प्राथमिकतामा राखेर काम अगाडि बढाइने बताए । उनले भने, ुसरकारको प्राथमिकता चुनाव सम्पन्न गर्नु भए पनि प्रभावकारी सेवा प्रवाह र विपद् प्रभावित क्षेत्रको पुनर्स्थापना छिटो सम्पन्न गर्न बजेट विनियोजन गरी काम भइरहेको छ।

गत वर्षको १०, ११ र १२ गतेको अविरल वर्षाले रोशी गाउँपालिका(१, २ र ३ तथा नमोबुद्ध नगरपालिका–८ र ९ का सडक, फलामे साँघु पुल र अन्य पूर्वाधारमा क्षति पुर्‍याएको थियो । नदी किनार संरक्षण नगरेमा पुल नै बग्ने सम्भावना रहेको बताइएको छ ।

एक्सप्रेस

सम्बन्धित खबर

कांग्रेस विशेष महाधिवेशन पक्षधरको निष्कर्ष_विशेष महाधिवेशन बाहेक अन्य विकल्प छैन