अनिल खनालको शब्द रचनामा झिलिमिली तिहार सार्वजनिक

काठमाडौँ । गायक हेमराज डाँगीले तिहार पर्वको अवसर पारेर तिहार विशेष गीत ‘झिलिमिली तिहार’ बजारमा ल्याएका छन् । लोकप्रिय सर्जक अनिल खनालको शब्द रचनामा रहेको उक्त गीतमा भाका भने गायक डाँगीकै रहेको छ ।

आधुनिक, लोकदोहोरी, चलचित्र तथा पप गीतमा आफ्नो जादु चलाउने सर्जक खनालले यस चाडबाडको गीतमा पनि मौलिकतालाई प्राथमिकता दिएर शब्द कोरेको देख्न सकिन्छ । गीतमा गायक डाँगी लाई गायिका सीमा थापाले साथ दिएकी छन् भने संगीत संयोजन तथा मिक्सिङ माष्टरिङ पनि गायक डाँगीले नै गरेका छन् ।

महक रेकर्डिङ स्टुडियोमा रेकर्ड गरिएको उक्त गीतको भिडियोलाई निर्देशक दिनेश सिंह ठकुरीले निर्देशन तथा कोरियोग्राफी गरेका हुन्, छायांकन मरुभूमि नारायणको रहेको उक्त गीतलाई अनिल विष्ट प्यूठानी ले सम्पादन गरेका हुन् । गीतमा श्याम मगर, दीपक किसी, दिव्या बायलकोटी, नमूना डुम्रे भट्टराई, रेशम लाल भट्टराई लगायतको अभिनय देख्न सकिन्छ ।