कांग्रेस विशेष महाधिवेशन: प्रतिनिधि नाम दर्ता दोस्रो दिन पनि जारी, आज बन्दसत्र

काठमाण्डौँ । नेपाली कांग्रेसका महामन्त्रीद्वयको अगुवाइमा आइतबारदेखि सुरु भएको विशेष महाधिवेशन मा प्रतिनिधि नाम दर्ता प्रक्रिया आज पनि जारी छ। आइतबार दर्ता गर्न छुटेका प्रतिनिधिका लागि बिहानैदेखि पुनः दर्ता खोलिएको हो । आयोजकका अनुसार पहिलो दिन मात्रै २ हजार ६६२ जना प्रतिनिधि ले नाम दर्ता गराएका थिए ।

प्रदेशगत रूपमा कोशीबाट ४२५, मधेसबाट ४४६, बागमतीबाट ४३२, गण्डकीबाट २९६, लुम्बिनीबाट ३९८, कर्णालीबाट १३४ र सुदूरपश्चिमबाट १४८ प्रतिनिधि दर्ता भएका छन्। यस्तै, काठमाडौं उपत्यका (काठमाडौं, भक्तपुर र ललितपुर)बाट १७८ तथा भ्रातृ, शुभेच्छुक र जनसम्पर्क समितिबाट १९५ जनाले नाम दर्ता गराएका छन्।

नाम दर्तालाई व्यवस्थित बनाउन विशेष महाधिवेशन पक्षधर समूहले आठवटा स्टल को व्यवस्था गरेको थियो। जिल्ला क्षेत्र तथा ‘फोकल पर्सन’ समन्वय समितिका संयोजक युवराज पाण्डेय ले आज बिहान ८ः३० बजेदेखि नाम दर्ता सुरु गरिएको जानकारी दिँदै बिहान ११ बजेसम्म प्रक्रिया चल्ने बताए। उनले हिजो दर्ता गर्न छुटेका प्रतिनिधिको सहजताका लागि आज पनि नाम दर्तालाई निरन्तरता दिइएको स्पष्ट पारे।

विशेष महाधिवेशन पक्षधर समूहको आज बन्दसत्र हुने कार्यक्रम छ। बिहान ८ बजेदेखि बन्दसत्र गर्ने कार्यतालिका रहे पनि केही प्राविधिक कारणले कार्यक्रम केही समय ढिलाइ भएको आयोजकले जनाएको छ।

एक्सप्रेस

सम्बन्धित खबर

रास्वपा समानुपातिक सूचीबाट डा. रामजी रामले फिर्ता लिए उम्मेदवारी

काठमाडौँ । राष्ट्रिय स्वतन्त्र पार्टी रास्वपाबाट समानुपातिक सूचीमा परेका डा रामजी रामले उम्मेदवारी फिर्ता लिएका छन् । उनले बुधबार सामाजिक सञ्जालमार्फत आफूले समानुपातिक प्रतिनिधिको बन्द सूचीबाट नाम फिर्ता लिएको जनाएका छन् ।