रवि र बालेनको सहमतिको दस्तावेज तयार हुँदै, यस्ता छन् सहमतिका प्रमुख बुँदाहरू
काठमाडौँ । रास्वपा सभापति रवि लामिछाने र काठमाडौं मेयर बालेन शाहबीच सहमति विकास हुँदै गएको उनीहरुका निकटस्थ व्यक्तिहरुले बताएका छन् । उनीहरुबीचको छलफल सहमति उन्मुख रहेको र सहमतिलाई दस्तावेजीकरण गर्नका लागि सहमति पत्रको खाका तयार पार्ने काम भइरहेको स्रोतले जानकारी दिएको छ ।
दुई युवा राजनीतिज्ञबीच छलफलको पृष्ठभूमि तयार पार्न महत्वपूर्ण भूमिका खेलेका असिम शाह, कुमार बेन लगायतका सहयोगीहरुले सहमतिको खाका तयार पार्दैछन् । दुई नेताबीच सोमबार पहिलो छलफल भएको थियो । त्यसपछि बिहीबार अन्य वैकल्पिक शक्तिका नेतृत्वकर्ताहरुलाई समेत बोलाएर छलफल गरेका नेताहरुले शुक्रबार पनि वार्ता गर्ने र सकेसम्म आज शुक्रबार नै निर्णायक सहमति गर्ने तयारी गरेको स्रोतले बतायो ।
सहमतिले अन्तिम रुप पाउन बाँकी रहेकोले सहमतिका बुँदाहरु स्पष्ट छैनन् । यद्यपि सहमतिको प्रमुख बुँदा पार्टीको एकतासम्मको हुन सक्नेछ । दुवै नेता पार्टी एकता गर्नेसम्म लचिलो नभएमा पनि चुनाबी सहकार्यको विषयमा भने सहमति हुने दुवै पक्षले अपेक्षा गरेका छन् ।
पार्टीको एकता नै हुनेगरी सहमति भएमा एकीकृत पार्टीले आगामी चुनाबमा बालेनलाई प्रभानमन्त्रीको दाबेदारको रुपमा अगाडि सार्नेछ । पार्टीमा भने रविको बरियता उच्च हुनेछ । पार्टीका रविपछि बालेन दोस्रो बरियतामा हुनेछन् । सहमति भइसकेको छैन तर सहयोगीहरु भने पार्टी एकताकै सहमति हुनेमा विश्वस्त देखिन्छन् ।
एक्सप्रेस
सम्बन्धित खबर
हर्कलाई लक्षित गर्दै कुलमानले भने : म मात्र ठीक भनेर हुन्न,नयाँ सबै मिल्नुपर्छ
काठमाडौँ । ऊर्जा तथा सहरी विकास मन्त्री कुलमान घिसिङले चुनावपछिको सरकारको नेतृत्व नयाँ दलले गर्नुपर्ने बताएका छन् । त्यसका लागि सबै मिलेर अघि बढ्नुपर्ने उनको भनाइ छ । बुधबार सिंहदरबारमा आयोजित पत्रकार सम्मेलनमा प्रश्नको जवाफ दिँदै उनले चुनाव नै वर...
सुनसरी- १ मा हर्क साम्पाङ विजयी
काठमाडौँ । प्रतिनिधिसभाको निर्वाचनमा सुनसरी १ मा श्रम संस्कृति पार्टीका अध्यक्ष हर्क साम्पाङ निर्वाचित भएका छन् । साम्पाङ भारी मतान्तरले विजय भएका हुन्। साम्पाङले ३५ हजार ७४१ मत ल्याएका छन् । उनका निकटतम प्रतिष्पर्धी रास्वपाकी गोमा तामाङ सरिनले भन...
राष्ट्रियसभाको १७ सदस्यका लागि सातै प्रदेशमा मतदान जारी
काठमाडौँ । राष्ट्रियसभामा रिक्त सदस्य चयन गर्न मतदान सुरु भएको छ । २०८२ फागुन २० गतेदेखि राष्ट्रियसभामा १७ सिट सदस्य रिक्त रहेको छ । यसका लागि बिहान ९ः०० बजेदेखि मतदान सुरु भएको निर्वाचन आयोगले जनाएको छ ।
मतदान आज दिउँसो ३ः०० बजेसम्म जारी रह...
शिक्षामन्त्री पुनको भनाइ : विदेश घुमेर अर्थतन्त्र बन्दैन
काठमाडौँ । शिक्षामन्त्री महावीर पुनले मन्त्री बनेपछि आएका पाँचवटै विदेश भ्रमणका निमन्त्रणा अस्वीकार गरेको बताएका छन् । देशको अर्थतन्त्र नसुधारेसम्म प्रगति सम्भव नभएको भन्दै उनले विदेश भ्रमणले अर्थतन्त्र नबन्ने स्पष्ट पारेका छन् ।
कालीकोटमा नेकपाका शाही विजयी
कर्णाली । कालीकोटमा नेपाली कम्युनिस्ट पार्टीका उम्मेदवार महेन्द्रबहादुर शाही विजयी भएका छन् । प्रतिनिधिसभा सदस्य पदका लागि बिहीबार सम्पन्न निर्वाचनको परिणाम अनुसार शाहीले ११ हजार ३३८ मत प्राप्त गरी विजयी भएका हुन् । उनका निकटतम प्रतिस्पर्धी...
संविधानले दिएको हक रोक्न मिल्दैन : प्रधानमन्त्री कार्की
काठमाडौँ । प्रधानमन्त्री सुशीला कार्कीले संविधान र कानुनले सुनिश्चित गरेका हक अधिकारको प्रयोग कसैले रोक्न नहुने स्पष्ट पारेकी छन् । थारू कल्याणकारिणी सभाको प्रतिनिधिमण्डलसँगको भेटमा उनले सबै समुदायको राज्यमा उचित प्रतिनिधित्व आवश्यक रहेको बताइन् ।...



