सरकार र जेनजीबीच लिखित सम्झौता हुने : संयोजन गर्दै प्रधानमन्त्रीका सल्लाहकार

काठमाडौँ । जेनजी आन्दोलनका माग र मुद्दाहरू कार्यान्वयनका लागि सरकार र जेनजी समूहबीच लिखित सम्झौता हुने भएको छ । राष्ट्रपति रामचन्द्र पौडेलको उपस्थितिमा हस्ताक्षरका तयारी तीव्र भइरहेको स्रोतले जनाएको छ । स्रोतका अनुसार २०६३ सालको विस्तृत शान्ति सम्झौताजस्तै २०८२ मा आन्दोलनकारी र राज्यबीच लिखित समझदारी गर्न लागिएको हो। हाल विभिन्न जेनजी समूहहरूसँग अनौपचारिक छलफल भइरहेको र छिट्टै औपचारिक वार्ता गरी मस्यौदालाई अन्तिम रूप दिन सरकारले तयारी गरिरहेको छ ।

प्रधानमन्त्रीका मुख्य सल्लाहकार अजयभद्र खनालले जेनजीहरूसँगको संवादको संयोजन गरिरहेका छन् । सरकारले आठ वटा जेनजी समूहसँग औपचारिक वार्ता गर्ने तयारी गरेको छ । वार्ता सफल भए राष्ट्रपतिको उपस्थितिमा सम्झौता पत्रमा हस्ताक्षर गरिनेछ।

यसअघि २५ असोज र ३० असोजमा राष्ट्रपति भवन शीतल निवासमा सरकार र जेनजीबीच दुई चरणमा छलफल भएको थियो। छलफलमा आन्दोलनकारीहरूले आफूहरूलाई आतङ्ककारी भन्न थालिएको भन्दै असन्तुष्टि जनाएका थिए । उनीहरूले आन्दोलनको वैधता र बलिदानको सम्मानका लागि लिखित सम्झौता आवश्यक भएको जोड दिएका थिए । राष्ट्रपति पौडेलले आन्दोलनले राजनीतिक परिवर्तनको वैधता पाइसकेको बताउँदै सहभागीहरूलाई आश्वस्त गराएका थिए । उनले प्रधानमन्त्री कार्कीको नेतृत्वलाई आन्दोलनको ठूलो उपलब्धि भन्दै सरकार आन्दोलनका मागप्रति इमानदार रहेको बताएका थिए।

एक्सप्रेस

सम्बन्धित खबर

नेपालको भ्रमण गर्न विश्व समुदायलाई अर्थमन्त्री खनालको आग्रह

काठमाण्डौँ । अर्थमन्त्री रामेश्वरप्रसाद खनालले नेपाल प्राकृतिक र सांस्कृतिक सम्पदाले धनी देश भएकाले नेपाल भ्रमणको लागि विश्व समुदायलाई आग्रह गरेका छन् । बिहीबार विश्व बैंक समूहले यहाँ आयोजना गरेको ‘दिगो पर्यटनः रोजगारी, जीवन...

शान्तिपूर्ण निर्वाचनको वातावरण बनाउनु अहिलेको प्रमुख आवश्यकताः संयोजक दाहाल

काठमाडौँ । नेपाल कम्युनिष्ट पार्टी माओवादी केन्द्रका महाधिवेशन आयोजक समितिका संयोजक पुष्पकमल दाहाल ‘प्रचण्ड’ ले सुरक्षित र शान्तिपूर्ण रूपमा निर्वाचन सम्पन्न हुने वातावरण निर्माण गर्नु अहिलेको प्रमुख आवश्यकता रहेको बताएका छन् । शुभ दीपावली, नेपाल संव...