फेरि नयाँ मौसमी प्रणाली भित्रिँदै, पूर्वका दर्जनौँ जिल्लामा भारी वर्षाको सम्भावना
काठमाडौँ । अरब सागरमा बनेको मौसमी प्रणालीका कारण देशका विभिन्न स्थानमा हाल वर्षा र हिमपात भइरहेको छ । सो प्रणाली बाहिरिएर बुधबारेदेखि सुधार आउने भए पनि बिहीबार साँझदेखि फेरि अर्को मौसम प्रणाली भित्रिने भएको छ । मौसमविद् उज्ज्वल उपाध्यायका अनुसार बंगालको खाडीमा विकसित ‘मोन्था’ नामक चक्रवातको प्रभावले पुनः मौसम प्रतिकूल हुने भएको हो । अरब सागरको प्रभाव सोमबार रातिसम्म कमजोर हुँदै जाँदा बुधबार धेरै ठाउँमा आंशिक घाम लाग्नेछ । तर, बिहीबारदेखि बंगालको खाडीमा विकसित चक्रवात उत्तर पश्चिमतिर सर्दै नेपालमा प्रवेश गर्ने भएकाले पुनः भारी वर्षा र हिमपातको जोखिम बढेको उनले बताए ।
गत असोजमा भीषण बाढी पहिरोबाट प्रभावित इलामलगायतका जिल्ला यस पटक पनि बढी जोखिममा रहेको मौसमविद्हरूको भनाइ छ । बिहीबार साँझदेखि शुक्रबार मध्यान्हसम्म इलाम, धनकुटा, संखुवासभा, सोलुखुम्बु, तेह्रथुम, पाँचथर, खोटाङ र झापा जिल्लामा दुई सय मिलिमिटरसम्म वर्षा हुन सक्ने सम्भावना रहेको छ ।
‘मोन्था’ चक्रवात १३ गते साँझ पर्सा, बारा, रौतहट हुँदै नेपाल प्रवेश गर्नेछ । यसको इपिसेन्टर नारायणी र त्रिशूली नदीको पूर्वी भागमा पर्ने भएकाले बागमती र तराईका जिल्लाहरूमा व्यापक वर्षा हुने अनुमान छ । यस प्रणालीको प्रभाव त्रिशूली नदीदेखि कर्णाली नदीसम्म मध्यम रहने र पश्चिम नेपालतर्फ न्यून असर पर्ने पूर्वानुमान गरिएको छ। अरब सागरको प्रभावले पहिले नै मुगु, डोल्पा, हुम्ला, जुम्ला, मनाङ, मुस्ताङ, म्याग्दी, रुकुम पूर्वलगायतका उच्च स्थानहरूमा भारी हिमपात भइसकेको छ । यसले धेरै स्थानमा पदयात्रा कठिन बनाएको छ।
बिहीबार मध्याह्नदेखि बिपी राजमार्ग, पृथ्वी राजमार्ग र काठमाडौँ–हेटौँडा जोड्ने सडक खण्डमा यात्रा गर्दा उच्च सतर्कता अपनाउन मौसमविद्को आग्रह छ । काठमाडौँ उपत्यका र आसपासका क्षेत्रमा ७० देखि ८० मिलिमिटरसम्म वर्षा हुनसक्ने मौसम विभागको पूर्वानुमान रहेको छ ।
एक्सप्रेस
सम्बन्धित खबर
१ महिनामा साढे ७ लाख यात्रुले गरे त्रिभुवन विमानस्थलमा आवतजावत
काठमाण्डौँ । अंग्रेजी नयाँ वर्षको पहिलो महिनामा त्रिभुवन अन्तर्राष्ट्रिय विमानस्थलमा साढे ७ लाख यात्रुले आवागमन गरेका छन् । त्रिभुवन अन्तर्राष्ट्रिय विमानस्थल कार्यालयका अनुसार जनवरीमा ७ लाख ४८ हजार ७ सय ९६ यात्रु मुभमेन्ट देखिएको हो ।
जसअन...
कालीकोटमा बस दुर्घटना, एकको मृत्यु दुई जना घाइते
काठमाडौं । कर्णाली राजमार्गमा पर्ने कालीकोटको खाँडाचक्र नगरपालिका–२ सेरीघाटमा बस दुर्घटना हुँदा एक जनाले ज्यान गुमाएका छन् भने दुई जना घाइते भएका छन् । जुम्लाबाट सुर्खेततर्फ जाँदै गरेको कर्णाली प्रदेश ०२००१ ख १११५ नम्बरको बस सेरीघाट पुल नजिक...
बञ्चरेडाँडाका स्थानियसँग जनाइएका प्रतिबद्धता कार्यान्वयन गर्दै सरकार, फोहोर व्यवस्थापनमा अवरोध नगर्न मन्त्री घिसिङको आग्रह
काठमाडौँ । सरकारले काठमाडौं उपत्यकाको फोहोर बिजर्सन गर्न बञ्चरेडाँडा ल्याण्डफिल्ड साइटका प्रभावित स्थानीय बासिन्दासँग जनाएका प्रतिबद्धता कार्यान्वयन गर्ने भएको छ । केहि समय अघि बञ्चरेडाँडाका स्थानिय वासिन्दाहरुले...
बालबालिकाले देउसीभैलो खेलेर जुटाएको रकमबाट ताराखेतमा सडकबत्ती
म्याग्दी । मङ्गला गाउँपालिका–२ ताराखेतका बालबालिकाले देउसीभैलो खेलेर जुटाएको रकम परिचालन गरेर सडकबत्ती जडान गरेका छन् । ताराखेतमा पर्ने बेनी–दरवाङ सडक, पदमार्ग र मङ्गला गाउँपालिका–३ सातबिसेको सिमकुना जोड्ने झोलुङ्गे पुलमा शनिबारदेखि सडकबत्ती बालेर...
मकवानपुरबाट काठमाडौँ आउदै गरेको गाडी दुर्घटना, एक जनाको मृत्यु
काठमाण्डौँ । कुलेखानी–काठमाडौँ सडकखण्डअन्तर्गत मकवानपुरको इन्द्रसरोवर गाउँपालिका– २ सिमखोला पुल नजिक भएको सवारी दुर्घटनामा एक जनाको मृत्यु भएको छभने अन्य दुई जना घाइते भएका छन् । मकवानपुर जिल्ला प्रहरी कार्यालयका प्रवक्ता पुष्कर बोगटीका अनुसार सर्...
आजदेखि हरेक शनिबार ‘सवारीसाधन मुक्त असन’
काठमाडौँ । काठमाडौँ महानगरपालिकाले प्राचीन सहरी बस्ती असनको मौलिकता जोगाउन आजदेखि ‘भेहिकल फ्रि असन’ कार्यक्रम सुरु गरेको छ ।
कामपाका कार्यवाहक प्रमुख सुनिता डङ्गोलले उक्त कार्यक्रम कःमिलाछी ९कमलाक्षी० चोकदेखि असनसम्म, भोटाहिटी चोकदेखि असनसम्...



