चिसो बढेसँगै तराईका अस्पतालमा टाउको दुखाइका बिरामी बढे

काठमाडौँ । तराई क्षेत्रमा चिसोको लहर बढेसँगै टाउको दुखाइको समस्या लिएर अस्पताल पुग्ने बिरामीको सङ्ख्या उल्लेख्य रूपमा बढेको छ । चिकित्सकहरूका अनुसार चिसो हावा, तापक्रमको अचानक परिवर्तन र शरीरमा पानीको कमी यसका प्रमुख कारण हुन् ।

कोशी अस्पताल विराटनगरका वरिष्ठ फिजिसियन डा. रोशन खड्काका अनुसार जाडोमा रक्तनली सङ्कुचित हुँदा टाउकोतर्फको रक्तप्रवाह घट्ने भएकाले टाउको भारी वा निरन्तर दुख्ने समस्या देखिन्छ। जाडोमा तिर्खा कम लाग्दा पानी कम पिउनु र डिहाइड्रेसन पनि टाउको दुखाइको कारण बन्ने उनले बताए।

मोटरसाइकल चालक, चिसोमा सुत्ने तथा लामो समय मोबाइल–कम्प्युटर प्रयोग गर्नेहरू बढी जोखिममा छन्। साथै, माइग्रेन र साइनसका बिरामीमा चिसो मौसमले समस्या झन् बढाउने चिकित्सकको भनाइ छ।

चिकित्सकहरूले पर्याप्त पानी पिउन, न्यानो कपडा लगाउन, घाम ताप्न र समस्या गम्भीर भएमा तुरुन्त चिकित्सकको परामर्श लिन सुझाव दिएका छन्।

एक्सप्रेस

सम्बन्धित खबर

त्रिशूली नदीमा दुई मजदुर बेपत्ता, खोजी गर्दै सशस्त्रको गोताखोर

काठमाडौं । सुपर त्रिशूली हाइड्रोपावरमा काम गर्ने दुई जना कामदार त्रिशूली नदीमा बेपत्ता भएका छन् । शनिबार दिउँसो चितवनको इच्छाकामना–४ स्थित कुरिनघाटको झोलुङ्गे पुल नजिकै त्रिशूली नदीमा नुहाउने क्रममा उनीहरु बेपत्ता भएका हुन् । बेपत्ता हुनेमा बर्दिय...

बञ्चरेडाँडाका स्थानियसँग जनाइएका प्रतिबद्धता कार्यान्वयन गर्दै सरकार, फोहोर व्यवस्थापनमा अवरोध नगर्न मन्त्री घिसिङको आग्रह

काठमाडौँ । सरकारले काठमाडौं उपत्यकाको फोहोर बिजर्सन गर्न बञ्चरेडाँडा ल्याण्डफिल्ड साइटका प्रभावित स्थानीय बासिन्दासँग जनाएका प्रतिबद्धता कार्यान्वयन गर्ने भएको छ । केहि समय अघि बञ्चरेडाँडाका स्थानिय वासिन्दाहरुले...