काठमाडौँ । साविक विजेता अर्जेन्टिना संयुक्त राज्य अमेरिका, क्यानडा र मेक्सिकोद्वारा संयुक्त रूपमा आयोजित ‘फिफा विश्वकप(२०२६’ को क्वाटरफाइनलमा प्रवेश गरेको छ ।

अमेरिकाको एटलान्टास्थित मर्सिडिज(बेन्ज स्टेडियममा नेपाली समयअनुसार असार २४ गते भएको अत्यन्तै रोमाञ्चक र प्रतिस्पर्धात्मक खेलमा इजिप्टलाई ३(२ गोल अन्तरले पराजित गर्दै अर्जेन्टिनाले अन्तिम आठको यात्रा तय गरेको हो । खेलको सुरुवाती समयमा बलियो पकड बनाएको इजिप्टमाथि अर्जेन्टिनाले खेलको अन्तिम समयमा उत्कृष्ट पुनरागमन गर्दै जित हात पारेको हो ।

खेलमा पहिलो अग्रता भने अप्रत्याशित रूपमा इजिप्टले लिएको थियो । खेलको १५औँ मिनेटमा यासेर इब्राहिमले गोल गर्दै इजिप्टलाई सुरुवाती अग्रता दिलाएका थिए, जसले अर्जेन्टिनाको बलियो रक्षापंक्तिलाई दबाबमा राखेको थियो।