काठमाडौँ । काठमाडौं र नयाँदिल्लीबीच कूटनीतिक चिसोपना अन्त्य गर्दै प्रधानमन्त्री बालेन्द्र शाहले भारत भ्रमणको तयारी तीव्र पारिरहेका बेला सत्तारूढ राष्ट्रिय स्वतन्त्र पार्टी रास्वपाका सभापति रवि लामिछाने भने उत्तरी छिमेकी चीनको भ्रमणमा जाने भएका छन् ।

प्रधानमन्त्री शाहका प्रमुख राजनीतिक सल्लाहकार कुमार बेनले हालै नयाँदिल्ली पुगेर भारतका राष्ट्रिय सुरक्षा सल्लाहकार अजित डोभालसँग गोप्य भेटवार्ता गरी द्विपक्षीय सम्बन्ध र सम्भावित भारत भ्रमणबारे छलफल गरेका थिए ।

प्रधानमन्त्री शाह सेप्टेम्बरमा संयुक्त राष्ट्रसंघीय महासभामा सहभागी हुन अमेरिका जानुअघि नै भारत जाने प्रयासमा छन्। उता भारतीय प्रधानमन्त्री नरेन्द्र मोदी पनि साउन महिनाभित्रै पशुपतिनाथ र लुम्बिनी दर्शनका लागि नेपाल आउन सक्ने चर्चा चलिरहेको छ ।