सात महिनापछि गृहमन्त्री अर्यालमाथि मुद्दा चलाउँछौँ : महेश बस्नेत

काठमाडौँ । नेकपा एमालेका पोलिटब्यूरो सदस्य महेश बस्नेतले गृहमन्त्री ओमप्रकाश अर्यालमाथि मुद्दा चलाउने चेतावनी दिएका छन् । जेनजी आन्दोलनमा भएका आगजनी, तोडफोड तथा लुटपाटका प्रमाण नष्ट गरेको अभियोगमा गृहमन्त्री अर्यालमाथि मुद्दा हाल्ने बताएका हुन् । उनले वर्तमान सरकार ढलेर नयाँ सरकार आएपछि अर्थात् सात महिनापछि अर्यालमाथि मुद्दा चलाउने बताएका छन् ।

बस्नेतले एक कार्यक्रममा भने, ‘गृहमन्त्री ओमप्रकाश अर्याललाई आगजनी, तोडफोड, लुट र चोरीको प्रमाण नष्ट गरेको अभियोगमा तिमीलाई मुद्दा लाग्छ । साथी । तयार भएर बस, तयार भएर बस । अहिले तिमी ६ महिना पन्छ्यौला । सात महिनापछाडि तिमीमाथिको मुद्दा हामीले चलाउँछौँ । तयार भएर बस । यो कुरा हामीले बडो स्पष्टसँग भन्न चाहन्छौँ ।’

गत भदौ २३ र २४ गते भएको जेनजी आन्दोलनका क्रममा सार्वजनिक, सरकारी तथा निजी भवन र व्यापारिक प्रतिष्ठानमा आगजनी एवम् तोडफोड गरेको आरोपमा प्रहरीले पक्राउ गरेका करिब २ सय भन्दा बढी व्यक्तिहरू गृहमन्त्री अर्यालको निर्देशनपछि छुटेका थिए ।

गृहमन्त्रालयले उच्चस्तरीय छानबिन आयोगले काम गरिरहेकोले त्यसको प्रतिवेदन आएपछि मात्रै उनीहरूमाथि कारबाही चलाउन प्रहरीलाई निर्देशन दिएको थियो । तर पछि गौरीबहादुर कार्की नेतृत्वको छानबिन आयोगले नै फौजदारी मुद्दामा आयोगको प्रतिवेदन कुन नपर्ने भनेपछि पुनः आगजनी र तोडफोडमा संलग्नमाथि कारबाही थालिएको थियो ।

एक्सप्रेस

सम्बन्धित खबर

उम्मेदवारविरुद्ध उजुरी आज, अन्तिम नामावली प्रकाशन कहिले ?

काठमाण्डौँ । प्रतिनिधिसभा सदस्यका लागि उम्मेदवारी दिएका उम्मेदवारको विरोधमा आज उजुरी दिन सकिने निर्वाचन आयोगले जनाएको छ । पहिलो हुने निर्वाचित हुने निर्वाचन प्रणालीतर्फको निर्वाचन कार्यक्रमअनुसार उम्मेदवारी दर्ता भएका उम्मेदवारको विरोधमा उजुरी दिन...

महाधिवेशन प्रतिनिधि छनौटको विषयमा एमाले नेताबीच कुटाकुट

सुनसरी । नेकपा एमाले सुनसरी क्षेत्र नम्बर–१ मा महाधिवेशन प्रतिनिधि छनौटको विषयलाई लिएर नेताहरूबीच कुटाकुट भएको छ । पूर्वमुख्यमन्त्री भीम आचार्यका निजी सचिव तथा एमाले सुनसरीका जिल्ला कमिटी सदस्य अनिल राजधाम...