काठमाडौँ । विशेष महाधिवेशनबाट नेपाली कांग्रेस सभापति चयन भएका गगन थापाले निर्वाचन आयोगले आफूहरूलाई ३ गतेभित्र आधिकारिकता दिने विश्वास व्यक्त गरेका छन् । निर्वाचन आयोगमा अद्यावधिक विवरणसहित आधिकारिकताको दाबी गर्न पुगेका थापाले भने, हामीले सम्पूर्ण कागजात बुझाएका छौँ । हामीले पर्सिभित्र आधिकारिकता पाउने विश्वास छ ।

थापाले आफूहरूले केन्द्रीय कार्यसमिति भंगको जानकारी आयोगमा गराउँदै विशेष महाधिवेशन आयोजना गरेको उल्लेख गर्दै आफूहरूले नै आधिकारिकता पाउने बताए ।