‘आलोचनाले होइन, एकताले चुनाव जितिन्छ’ — ओलीका टिप्पणीमा सुरेन्द्र पाण्डेको संयमित प्रतिवाद
काठमाडौँ । नेकपा एमालेभित्र सार्वजनिक अभिव्यक्तिका कारण देखिएको तिक्तताप्रति नेता सुरेन्द्र पाण्डेले स्पष्ट र सन्तुलित धारणा राखेका छन् । पार्टी अध्यक्ष केपी शर्मा ओलीले आफू लक्षित गर्दै दिएका टिप्पणीप्रति प्रत्यक्ष विवादमा नउत्रँदै पाण्डेले निर्वाचनको संवेदनशील समयमा नेतृत्वको भूमिकामाथि प्रश्न उठाएका छन् ।
सामाजिक सञ्जालमार्फत प्रतिक्रिया जनाउँदै पाण्डेले चुनावी घडीमा पार्टीलाई एकताबद्ध राख्नु नेतृत्वको प्रमुख दायित्व भएको उल्लेख गरेका छन् । यस्तो अवस्थामा नेतृत्वका शब्दहरूले कार्यकर्ताको मनोबल कमजोर पार्ने होइन, बरु सबैलाई जोड्ने शक्ति दिनुपर्ने उनको भनाइ छ ।
उनले वैचारिक मतभेदलाई स्वाभाविक राजनीतिक प्रक्रिया ठहर गर्दै मत फरक हुँदैमा कसैलाई कम आँक्ने संस्कार आफूमा नरहेको स्पष्ट पारेका छन्। ‘वैचारिक असहमति राख्ने साथीहरू पनि उत्तिकै आदरणीय एमाले हुन्,’ पाण्डेको भनाइ छ, ‘मत फरक भयो भन्दै पूर्वाग्रह राख्नु मेरो राजनीतिक चरित्र होइन।’
टिकट वितरणको विषयमा पार्टीभित्र असन्तुष्टि देखिए पनि पाण्डेले त्यसलाई पार्टी हितकै लागि स्वीकार गरिएको जनाएका छन्। ‘टिकट वितरणको क्याल्कुलेसनलाई हामीले कुनै विरोध नगरी स्वीकार गर्यौं,’ उनले लेखेका छन्, ‘तर पार्टीलाई जिताउने साझा संकल्पमा पूर्वाग्रही टिप्पणीले कुनै सकारात्मक अर्थ राख्दैन ।’
पार्टीभित्रैका सहयोद्धालाई सार्वजनिक रूपमा न्युनिकरण गर्नु राजनीतिक परिपक्वता नभएको टिप्पणी गर्दै पाण्डेले संस्थागत निर्णय र सामूहिक विचारको आधारमा बाह्य प्रतिस्पर्धाको सामना गर्नु आवश्यक रहेको धारणा व्यक्त गरेका छन् । अहिले आफू टिप्पणीको खण्डनमा समय नखर्ची एमालेका उम्मेदवारलाई जिताउन र संगठनको साख जोगाउन मैदानमै खटिएको उनले बताएका छन् ।
यसअघि अध्यक्ष ओलीले सुरेन्द्र पाण्डे, योगेश भट्टराई, बिन्दा पाण्डे तथा गोकुल बाँस्कोटालगायत नेताहरूमाथि सार्वजनिक रूपमा टिप्पणी गर्दै उनीहरूको चुनावी सम्भावनामाथि प्रश्न उठाएका थिए। ओलीका ती अभिव्यक्तिले पार्टीभित्र असहजता सिर्जना गरेको बेला पाण्डेको प्रतिक्रिया आएको हो ।
एक्सप्रेस
सम्बन्धित खबर
केन्द्रीय सुरक्षा समितिको बैठक आज बस्दै
काठमाडौँ । केन्द्रीय सुरक्षा समितिको बैठक आज आइतबार बस्दै छ । बैठक आइतबार दिउँसो तीन बजे गृह मन्त्रालयमा बस्न लागेको हो। गृह मन्त्री ओम प्रकाश अर्यालले शान्ति सुरक्षाको व्यवस्थाबारे छलफल गर्न बैठक बोलाएका हुन् ।
<...गोपाल किरातीको प्रश्न : ज्ञानेन्द्र शाह र प्रचण्डमा कसरी फरक छुट्टाउने ?
काठमाडौँ । नेपाली कम्युनिस्ट पार्टीका नेता गोपाल किरातीले पार्टी नेताहरूको शैली राजा महाराजाको जस्तो रहेकोमा कटाक्ष गरेका छन् । सामाजिक सञ्जालमार्फत नेता किरातीले पार्टी गतिविधि र नेताहरूको कार्यशैलीमाथि प्रश्न गरेका ह...
अर्थमन्त्रीद्वारा सिंगापुरका राष्ट्रपतिसँग शिष्टाचार भेट
काठमाडौँ । विश्व बैंक र अन्तर्राष्ट्रिय मुद्रा कोषको वार्षिक बैठकमा भाग लिने क्रममा संयुक्त राज्य अमेरिकाको वासिङटन डिसिमा रहेका अर्थमन्त्री रामेश्वर प्रसाद खनालले २०८२ कार्तिक १ मा सिंगापुरका महामहिम राष्ट्रपति थार्मा...
यस्ता आरोप लगाउँदै रास्वपा मधेस प्रदेशकी संस्थापक सभापति शर्माले छाडिन् पार्टी
काठमाण्डौँ । राष्ट्रिय स्वतन्त्र पार्टी रास्वपा मधेस प्रदेशकी संस्थापक सभापति ममता शर्माले पार्टी छाडेकी छन् । पार्टी स्थापनाकालीन मूल्य, विधान र सार्वजनिक प्रतिबद्धताभन्दा विपरीत चलिरहेको आरोप लगाउँदै केन्द्रीय महिला तथा सामाजिक विकास विभागकी सदस...
रास्वपा सभापति रवि लामिछाने अस्पताल भर्ना
काठमाडौँ । राष्ट्रिय स्वतन्त्र पार्टी रास्वपाका सभापति रवि लामिछाने त्रिभुवन विश्वविद्यालय शिक्षण अस्पताल, महाराजगञ्जमा उपचाररत हुन् । देव्रे खुट्टामा लागेको चोट बढेर संक्रमण भएकाले उनी अस्पतालमा भर्ना भएर उपचाररत रहे...
रवि र छविको मुद्दामा आज पेसी
बुटवल । राष्ट्रिय स्वतन्त्र पार्टीका सभापति रवि लामिछानेविरुद्धको मुद्दामा उच्च अदालत बुटवलमा आज पेसी तोकिएको छ । सहकारी ठगी र सङ्गठित अपराध अभियोगमा थुनामा रहेका लामिछाने र तत्कालीन गोर्खा मिडियाका सञ्चालक छविलाल जोश...



