रबि, बालेन र कुलमानबीच शनिबार एकता घोषणा हुने

काठमाडौँ । रास्वपाका सभापति रवि लामिछाने, काठमाडौँका मेयर बालेन शाह र ऊर्जा मन्त्री कुलमान घिसिङले एउटै पार्टी गठन गर्ने विषयमा सहमति जुटाएका छन् । स्रोतहरूका अनुसार, नयाँ पार्टी निर्माणको प्रक्रिया अन्तिम चरणमा पुगेको छ । तीन नेताबीचको एकता अब चुनावी एलाइन्सको सन्दर्भमा नभई पूर्ण नयाँ पार्टी बनाउने दिशामा अघि बढेको छ । पार्टी गठन भोलि घोषणा हुने अपेक्षा गरिएको छ। यस प्रक्रियामा कुनै पद या अन्य विषयमा बार्गेनिङ नगरिएको स्रोतको दाबी छ ।

एकीकृत पार्टीको अध्यक्षको रूपमा रवि लामिछाने रहनेछन् । पार्टीको चुनाव चिह्न ‘घण्टी’ नै रहनेछ । निवर्तमान स्वतन्त्र सांसद डा। अमरेशकुमार सिंहका अनुसार, नयाँ पार्टीले कांग्रेस, एमाले र नेकपाको गठबन्धनसँग प्रतिस्पर्धात्मक विकल्प प्रदान गर्नेछ ।