काठमाडौँ । आगामी माघ ११ गते हुने राष्ट्रियसभा सदस्य निर्वाचनमा नेपाली कांग्रेस र नेकपा एमाले बीच चुनावी सहकार्य हुने भएको छ। कांग्रेस केन्द्रीय कार्यसम्पादन समितिले एमाले र लोसपासँग मिलेर निर्वाचन लड्ने निर्णय गरेको हो ।

सम्झौताअनुसार कूल १८ सिटमध्ये कांग्रेसले ९, एमालेले ८ र लोसपाले १ सिट पाउनेछन् । कांग्रेसले आफ्नो भागका ९ सिटका उम्मेदवार पनि टुंगो लगाइसकेको छ । आज उम्मेदवार मनोनयन दर्ता हुँदै गर्दा दुई ठूला दलबीचको यो अप्रत्यासित सहकार्यले राष्ट्रियसभा निर्वाचन र आगामी राजनीतिक समीकरणमा प्रभाव पार्ने विश्लेषण गरिएको छ ।