यस साता सामान्य अंकले बढ्यो नेप्से, कुन दिनको कारोबार कति ?

काठमाडौँ । यस साता नेप्से परिसूचक ०.८९ अंकले बढेर २६४१.४३ विन्दुमा आईपुगेको छ । गत साता २६४०.५४ विन्दुमा बन्द भएको नेप्से यो साता ०.८९ अंक बढेर २६४१.४३ विन्दुमा पुगेको हो । यस साता तीन कारोबार दिन मात्र बजार खुलेको थियो । जसमा दुई कारोबार दिन नेप्से बढेको थियो भने एक कारोबार दिन घटेको थियो ।

यस साता औसतमा ७८ करोड १० लाख रुपैयाँको कारोबार भएको छ । सोमबार ६ अर्ब ४० करोड २३ लाखको सेयर कारोबार भएकोमा मंगलबार ६ अर्ब ९९ करोड ४ लाखको कारोबार भयो । यस्तै, बुधबार ६ अर्ब २० करोड ९४ लाखको सेयर कारोबार भयो ।

साताको पहिलो कारोबार दिन नेप्से ७.०१ अंकले घटेर २६३३.५३ को विन्दुमा कायम भएको थियो । त्यस दिन नेप्सेमा कारोबार भएको ३३२ कम्पनीको १ करोड २१ लाख ६३ हजार ७८ कित्ता सेयर किनबेच हुँदा ६ अर्ब ४० करोड २३ लाख रुपैयाँ माथिको कारोबार भएको थियो ।