काठमाडौँ । राष्ट्रिय स्वतन्त्र पार्टी रास्वपाका सभापति रवि लामिछानेले सहकारी ठगी प्रकरणमा कांग्रेस सभापति गगन थापाले आफूविरुद्ध प्रमाण देखाउन ६५८ दिन बितिसक्दा पनि पेश नगरेको आरोप लगाएका छन् । चितवनमा आयोजित चुनावी सभामा लामिछानेले अब आफूलाई प्रमाण आवश्यक नभएको भन्दै कटाक्ष गरेका छन्।

उनले आफूमाथि लागेको सहकारीसम्बन्धी मुद्दाको खण्डन गर्दै आफूले मागेर देश बनाउने पक्षमा नभई गरिखाने देश बनाउने बताए । लामिछानेले आफूमाथि नआउँदा पनि बोल्नुपर्ने अवस्था आएको र कतिपयले उनलाई कम बोल्न सुझाउने भए पनि आफूले आवश्यक समयमा बोल्ने अभ्यास गरेको बताए।