काठमाडौँ ।नेपाली कांग्रेसका महामन्त्री गगनकुमार थापाले आागामी संसदीय निर्वाचनअघि पार्टीको महाधिवेशन हुनुपर्नेमा जोड दिएका छन् । सोमबार काठमाडौंमा आयोजित कार्यकर्ता भेलालाई सम्बोधन गर्दै उनले फागुन २१ गते अघि नै पार्टीको १५ औँ महाधिवेशन हुनुपर्ने बताएका हुन् ।

महामन्त्री थापाले आफूले पार्टी सभापति शेरबहादुर देउवालाई महाधिवेशन समयमै गर्नको लागि दबाब दिइरहेको पनि जानकारी दिए । उनले आगामी महाधिवेशनमा पार्टी सभापतिमा उम्मेदवारी दिने घोषणा पनि गरे । ‘म अहिले १५ औँ महाधिवेशनको सभापतिको उम्मेदवार हो। म पार्टीको सभापति बन्छु, बन्न चाहन्छु’, उनले भने, ‘आगामी महाधिवेशन नेतृत्व परिवर्तन गर्ने मात्र नभइ पार्टीलाई नयाँ बनाउनको लागि पनि हो ।’ उनले त्यसका लागि क्रियाशील सदस्यको काममा ढिलाइ गर्नु नहुने पनि स्पष्ट पारे ।