माओवादी केन्द्र र एकीकृत समाजवादी बीचको एकता अन्तिम चरणमा

काठमाडौँ । वामपन्थी घटकबीच एकता गर्ने प्रयास तीव्र भइरहेका बेला नेकपा माओवादी केन्द्र र नेकपा एकीकृत समाजवादी बीच पार्टी एकीकरणको प्रारूपमा सहमति नजिक पुगेको छ । पार्टीको नाम, नीति तथा नेतृत्वबारे दुवै पक्षबीच करिब सहमति बनेको एकीकृत समाजवादीका एक नेताले जानकारी दिए ।

उनका अनुसार, चुनाव चिह्न र सङ्गठनात्मक संरचनाबारे भने अझै छलफल जारी छ । एकीकृत समाजवादीले कात्तिक १२ देखि १४ गतेसम्म केन्द्रीय समिति बैठक बोलाएको छ, जसले एकता प्रस्तावलाई अन्तिम रूप दिने तयारी गरेको छ ।

सुरुवाती चरणमा नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीसहित चार कम्युनिस्ट घटकबीच एकता गर्ने पहल भए पनि विप्लव समूह पछि हटिसकेको छ। अहिले माओवादी केन्द्र, एकीकृत समाजवादी र महिन्द्र राय यादवको नेपाल समाजवादी पार्टीबीच एकताको वार्ता निष्कर्षतर्फ बढेको बताइएको छ। एक पदाधिकारीका अनुसार, कात्तिक मसान्तभित्रै एकताको टुङ्गो लाग्ने सम्भावना उच्च छ । प्रतिनिधि सभा निर्वाचन फागुन २१ गते तोकिएपछि निर्वाचन आयोगमा कात्तिक ३० भित्र दर्ता हुनुपर्ने संवैधानिक व्यवस्थाले पनि यी दलहरूलाई एकताको दिशातर्फ चाँडो बढ्न प्रेरित गरेको हो।

एक्सप्रेस

सम्बन्धित खबर

शान्तिपूर्ण निर्वाचनको वातावरण बनाउनु अहिलेको प्रमुख आवश्यकताः संयोजक दाहाल

काठमाडौँ । नेपाल कम्युनिष्ट पार्टी माओवादी केन्द्रका महाधिवेशन आयोजक समितिका संयोजक पुष्पकमल दाहाल ‘प्रचण्ड’ ले सुरक्षित र शान्तिपूर्ण रूपमा निर्वाचन सम्पन्न हुने वातावरण निर्माण गर्नु अहिलेको प्रमुख आवश्यकता रहेको बताएका छन् । शुभ दीपावली, नेपाल संव...