सभामुख र उपसभामुखको कार्यकाल सकियो

काठमाडौँ । सभामुख देवराज घिमिरे र उपसभामुख इन्दिरा रानाको कार्यकाल सकिएको छ । निर्वाचन आयोगले प्रतिनिधि सभाको निर्वाचनका लागि मनोनयन पत्र दाखिला गर्न तोकेको दिन आएसँगै सभामुख र उपसभामुखको कार्यकाल सकिएको हो ।

संविधानमा सभामुख र उपसभामुखको कार्यकालबारे स्पष्ट व्याख्या गरिएको छ । संविधानको धारा ९१ को उपधारा ६ अनुसार प्रतिनिधि सभा विघटन भएको अवस्थामा त्यसपछि हुने निर्वाचनको लागि मनोनयन दर्ता हुने अघिल्लो दिनसम्म उनीहरुको कार्यकाल रहने प्रावधान छ । यो व्यवस्थाअनुसार उनीहरुको कार्यकाल आज सकिइसकेको छ ।