काठमाडौँ । चलचित्र ‘लज्जावती’को ‘मलाई पिर परेको तिम्लाई के थाहा छ’ बोलको गीत सार्वजनिक भएको छ । थानेश्वर गौतमको स्वर रहेको गीतमा भीमकुमार ओझाको शब्दरचना छ । सन्तोष बिसीले संगीत भरेका छन् । भिडियोमा सिनेमाका कलाकार मेनुका माझी र श्रीकृष्ण निरौलाको प्रेम र विछोडपछिको अवस्था चित्रण छ । प्रेमिकाबाट छुटेपछि हराएका उनलाई कलाकार मुकुन भुसाल र जानुका विश्वकर्मा  खोज्दै हिँडिरहेको दृश्य छ । 

राजबहादुर सानेले निर्देशन गरेको चलचित्रमा मुकुन भुसाल, श्रीकृष्ण निरौला, जानुका विश्वकर्मा, मेनुका माझी, केशव रिजाल, धीरेन शाक्य, प्रिया रिजाल, हिउँवाला गौतम, विशाल पहारीलगायतको अभिनय छ । चलचित्र यही साउन २९ गतेदेखि प्रदर्शनमा आउँदै छ ।