जेनजी आन्दोलन घटनाबारे जाँचबुझ आयोगको प्रतिवेदन आज सरकारलाई बुझाइँदै

काठमाडौँ । भदौ २३ र २४ मा भएको जेनजी आन्दोलनसँग सम्बन्धित घटनाको छानबिन गर्न गठन गरिएको जाँचबुझ आयोगले आज सरकारलाई प्रतिवेदन बुझाउने तयारी गरेको छ । पूर्वन्यायाधीश गौरीबहादुर कार्कीको अध्यक्षतामा गठन गरिएको उक्त आयोगले आइतबार बिहान ११ बजे सरकारलाई प्रतिवेदन बुझाउने समय तय भएको प्रधानमन्त्री सुशीला कार्कीको सचिवालयले जनाएको छ । आयोगको कार्यावधि पनि आइतबार नै सकिने भएकाले आजै प्रतिवेदन बुझाउन लागिएको हो ।

अन्तरिम सरकारकी प्रधानमन्त्री सुशीला कार्की नेतृत्वको मन्त्रिपरिषद् बैठकले असोज ५ गते जेनजी आन्दोलनका क्रममा भएका घटनाबारे छानबिन गर्न आयोग गठन गर्ने निर्णय गरेको थियो । आन्दोलनका क्रममा भएका गतिविधि, सुरक्षाकर्मीको भूमिका तथा समग्र घटनाक्रमको अध्ययन गर्न आयोगलाई जिम्मेवारी दिइएको थियो । यस विषयमा आगामी मन्त्रिपरिषद् बैठकले प्रतिवेदन सार्वजनिक गर्ने वा नगर्नेबारे निर्णय गर्न सक्ने बताइएको छ ।

एक्सप्रेस

सम्बन्धित खबर

क्रान्ति र शान्तिको सुरुआतस्थल रुकुमपूर्वमा जनयुद्ध दिवस मनाउँदै नेकपा

रुकुमपूर्व । नेपाली कम्युनिष्ट पार्टी नेकपाले रुकुमपूर्वमा ३०औं जनयुद्ध दिवस मनाउँदै छ । जनयुद्धको सुरुआत भएको रुकुमपूर्वमा सहिद तथा बेपत्ता परिवार, घाइते, अपांग र रुकुमेलीसँग जनयुद्ध दिवस मनाउन पार्टीका संयो...