नयाँ मतदाता संख्या २ लाख ५७ हजार नाघ्यो

काठमाडौँ । बिहीबारसम्म देशभर दुई लाख ५७ हजारभन्दा बढी नयाँ मतदाता सूचीकृत भएका छन् । निर्वाचन आयोगका तथ्यांकअनुसार ९ असोजदेखि २७ कात्तिकसम्म २ लाख ५७ हजार ५०५ जनाले नयाँ नाम दर्ता गराएका हुन् । जेनजी आन्दोलनपछि बनेको सुशीला कार्की नेतृत्वको सरकारले मतदाता नामावली ऐन, २०७३ संशोधन गरी ९ असोजदेखि मतदाता दर्ता खुला गरेका थिए ।

आगामी २१ फागुनमा हुने प्रतिनिधिसभा चुनावमा धेरै जेनजी मताधिकारबाट वञ्चित हुने अवस्था देखिएपछि सरकारले अध्यादेश जारी गर्दै नामावली सङ्कलन कार्य खुला गरेको थियो । सरकारले प्रारम्भमा ३० कात्तिकसम्म दर्ताको समय दिएको भए पनि जनस्तरबाट उत्साहजनक सहभागिता देखिएपछि आज बसेको पदाधिकारी बैठकले अवधि पाँच दिन थप गरी ५ मंसिरसम्म नामावली सङ्कलन जारी राख्ने निर्णय गरेको छ।

एक्सप्रेस

सम्बन्धित खबर

कात्तिक २० गते काठमाडौंमा प्रदर्शन गर्ने विप्लव नेकपाको तयारी

काठमाडौँ । नेत्रविक्रम चन्द ‘विप्लव’ नेतृत्वको नेकपाले यही कात्तिक २० गते काठमाडौंमा प्रदर्शन र सभा गर्ने भएको छ । सभालाई महासचिव विप्लवले सम्बोधन गर्ने छन् । सभा अगाडि र्‍याली निकाल्ने नेता सन्तोष बुढा...