नवगठित नेकपाले २० प्रतिशत जेनजीको सहभागिता सुनिश्चित गर्ने
-
मिडियाबाजी
- बिहि, २० कात्तिक २०८२
काठमाडौँ । नवगठित नेपाली कम्युनिष्ट पार्टीले नेतृत्वको विकास र हस्तान्तरणका लागि वैज्ञानिक विधि अपनाउने घोषणा गरेको छ । पार्टी पदाधिकारीहरूको कार्यकाल र उमेर हद निर्धारण गर्ने निर्णय गरेको छ । आजको एकता सम्मेलनमा प्रस्तुत गरिएको घोषणापत्रअनुसार पार्टीका सबै कमिटीहरूमा ३५ प्रतिशत महिला, २० प्रतिशत जेनजी युवा, १५ प्रतिशत दलित र ५ प्रतिशत मुस्लिम समुदायबाट प्रतिनिधित्व सुनिश्चित गरिनेछ ।
घोषणापत्रका अनुसार जनवादी केन्द्रीयता सिद्धान्तलाई आधार मान्दै सामूहिक नेतृत्व र व्यक्तिगत जिम्मेवारीका साथ पार्टीको संरचना र सञ्चालन हुनेछ । यसले पार्टीको रणनीतिक लक्ष्यको रूपमा वैज्ञानिक समाजवादलाई प्राथमिकता दिनेछ । राज्यसत्तामा आमजनताको संस्थागत सहभागिता र सरकारको काममा निगरानीको व्यवस्थासमेत सुनिश्चित गरिनेछ ।
प्रारम्भिक चरणमा, सार्वजनिक क्षेत्र, सहकारी क्षेत्र र निजी क्षेत्रको मिश्रणका साथ तीनखम्बे अर्थतन्त्रलाई प्राथमिकता दिइनेछ। यसका माध्यमबाट सार्वजनिक क्षेत्रको विस्तार गर्दै उद्योगधन्दा विकास गरिनेछ। वित्तीय एकाधिकार र दलाल पुँजीवादको हस्तक्षेपबाट मुक्ति प्राप्त गर्दै समाजवादी अर्थतन्त्रको निर्माणमा सार्वजनिक, सहकारी र निजी क्षेत्रको सहकार्यलाई सुदृढ गरिनेछ।
स्वदेशी कच्चापदार्थ र श्रम शक्तिको अधिकतम उपयोग गर्दै उद्योग र व्यापारको द्रुत विकास गरिनेछ। यसका साथै, पर्याप्त रोजगारी सिर्जना गर्ने र श्रमशक्ति को उपयोगको आधारमा ‘योग्यताअनुसारको काम र कामअनुसारको दाम’ प्राप्त गर्ने व्यवस्था गरिनेछ ।
सम्बन्धित खबर
माओवादी केन्द्र र एकीकृत समाजवादी बीचको एकता अन्तिम चरणमा
काठमाडौँ । वामपन्थी घटकबीच एकता गर्ने प्रयास तीव्र भइरहेका बेला नेकपा माओवादी केन्द्र र नेकपा एकीकृत समाजवादी बीच पार्टी एकीकरणको प्रारूपमा सहमति नजिक पुगेको छ । पार्टीको नाम, नीति तथा नेतृत्वबारे दुवै पक्षबीच करिब सहम...
प्रतिनिधिसभा निर्वाचन तालिका सार्वजनिक : समानुपातिक बन्दसूची बुझाउन तीन दिनको समय
काठमाडौँ । निर्वाचन आयोगले प्रतिनिधिसभा सदस्य निर्वाचनका लागि समानुपातिकको बन्दसूची बुझाउन तीन दिनको समय दिएको छ । आयोगले आज बसेको बैठकबाट निर्णय गर्दै पहिलो हुने निर्वाचित हुने निर्वाचन प्रणाली प्रत्यक्ष र समानुपातिक...
युवाहरूको सपना पूरा गर्ने वातावरण नेपालमै बनाउनुपर्छ : कुलमान घिसिङ
काठमाडौँ । ऊर्जा, जलस्रोत, शहरी एवं भौतिक पूर्वाधारमन्त्री कुलमान घिसिङले नेपालमै उत्पादन र रोजगारी सिर्जना गर्नुपर्नेमा जोड दिएका छन् । राष्ट्रिय घर निर्माण फेस्टमा बोल्दै उनले नेपाली युवाहरूलाई देशमै अवसर सिर्जना गर्न आवश्यक भएको बताएका हुन् । म...
शान्तिपूर्ण निर्वाचनको वातावरण बनाउनु अहिलेको प्रमुख आवश्यकताः संयोजक दाहाल
कांग्रेस नेता अभिषेक गिरी पक्राउ
काठमाडौँ । विराटनगरको गुण्डागर्दी पृष्ठभूमिका कांग्रेस नेता अभिषेक गिरी पक्राउ परेका छन् । उनको घरमा शनिबार बिहान प्रहरीले छापा मारेको थियो । लगत्तै उनलाई प्रहरीले नियन्त्रणमा लिएको हो । मोरङ प्रहरीका अनुसार गिरिलाई कारागारमा अवैध असुली धन्दा चलाए...
संसद भवन चैत १ भित्र हस्तान्तरण गर्न मन्त्रीको निर्देशन
काठमाडौँ । भूमि व्यवस्था, सहकारी तथा गरिबी निवारणमन्त्री प्रा। डा। कुमार इङनामले निर्माणाधीन संघीय संसद भवनको काम आउँदो चैत १ गतेभित्र सकाएर हस्तान्तरण गर्न निर्देशन दिएका छन् । शुक्रबार भवनको स्थलगत अनुगमन गर्दै उनले...