रास्वपाको पहिलो महाधिवेशन असार ७ देखि ९ गतेसम्म चितवनमा हुने

काठमाडौँ । राष्ट्रिय स्वतन्त्र पार्टी रास्वपाले आफ्नो पहिलो ऐतिहासिक महाधिवेशन आगामी असार ७, ८ र ९ गते चितवनमा आयोजना गर्ने निर्णय गरेको छ। पार्टी केन्द्रीय कार्यालय बनस्थलीमा आज बिहान बसेको केन्द्रीय समिति बैठकले महाधिवेशनको मिति र स्थान तय गरेको हो।

बैठकमा भएको छलफलपछि पार्टीका नेता गणेश पराजुलीले महाधिवेशनका बारेमा आधिकारिक जानकारी दिँदै असारको दोस्रो साता चितवनमा देशभरका प्रतिनिधिहरू भेला हुने निश्चित भएको बताए।

यसअघि पार्टी सभापति रवि लामिछानेले असार ६, ७ र ८ गते महाधिवेशन गर्ने प्रस्ताव अघि सार्नुभएको थियो। तर, केन्द्रीय समितिको विस्तृत छलफल र आन्तरिक व्यवस्थापनलाई मध्यनजर गर्दै एक दिन पछि सारेर ७, ८ र ९ गते महाधिवेशन गर्ने निर्णय भएको हो।

पार्टीले यसअघि नै चुनाव सकिएको छ महिनाभित्र महाधिवेशन गर्ने सैद्धान्तिक लक्ष्य लिएको थियो, जसअनुसार भदौभित्र प्रक्रिया टुङ्ग्याउनुपर्ने दायित्व रास्वपामाथि थियो।

२०७९ सालमा गठन भएको छोटो समयमै वैकल्पिक राजनीतिक शक्तिका रूपमा स्थापित रास्वपाका लागि यो पहिलो महाधिवेशन निकै महत्वपूर्ण मानिएको छ।

एक्सप्रेस

सम्बन्धित खबर

आईजीपी खापुङको प्रश्न : गोली नचलाउँदा पनि प्रहरी दोषी, चलाए पनि बयान दिँदै हिँड्नुपर्ने ?

काठमाडौँ । नेपाल प्रहरीका महानिरीक्षक आईजीपी चन्द्रकुबेर खापुङले जेनजी आन्दोलनसम्बन्धी छानबिन आयोगले प्रहरीसँग बयान लिएकोप्रति आपत्ति जनाएका छन् । इमेज टेलिभिजनमा दिएको अन्तर्वार्ताका क्रममा आईजीपी खापुङले पानी समेत नपिएर ड्युटीमा खटिएको प्रहरीलाई...

शान्तिपूर्ण निर्वाचनको वातावरण बनाउनु अहिलेको प्रमुख आवश्यकताः संयोजक दाहाल

काठमाडौँ । नेपाल कम्युनिष्ट पार्टी माओवादी केन्द्रका महाधिवेशन आयोजक समितिका संयोजक पुष्पकमल दाहाल ‘प्रचण्ड’ ले सुरक्षित र शान्तिपूर्ण रूपमा निर्वाचन सम्पन्न हुने वातावरण निर्माण गर्नु अहिलेको प्रमुख आवश्यकता रहेको बताएका छन् । शुभ दीपावली, नेपाल संव...