फागुन २१ को निर्वाचन लक्षित आचारसंहिता मस्यौदा जारी : नियम मिच्नेको नाम सार्वजनिक गरिने

काठमाडौँ । निर्वाचन आयोगले आगामी फागुन २१ गते हुने प्रतिनिधिसभा सदस्य निर्वाचनलाई लक्षित गरी निर्वाचन आचारसंहिता–२०८२ को मस्यौदा सल्लाह तथा सुझावका लागि जारी गरेको छ । निर्वाचनमा स्वतन्त्रता, स्वच्छता, निष्पक्षता, पारदर्शिता र मितव्ययिता कायम गर्दै भयमुक्त वातावरण सुनिश्चित गर्न आयोगले यो कदम चालेको हो । निर्वाचन आयोग ऐन, २०७३ को दफा २२ ले दिएको अधिकार प्रयोग गरी तयार पारिएको यस मस्यौदामा १० वटा परिच्छेद र पाँच वटा अनुसूचीहरू समावेश गरिएका छन् ।

नयाँ आचारसंहिता लागू भएसँगै यसअघिको निर्वाचन आचारसंहिता २०७९ खारेज हुने आयोगले जनाएको छ । यस पटकको आचारसंहितामा केही नयाँ र कडा प्रावधानहरू समेटिएका छन्, जसअन्तर्गत आचारसंहिता उल्लङ्घन गर्ने व्यक्ति वा निकायको नाम सार्वजनिक गरिने व्यवस्था गरिएको छ ।

यस्तै, आचारसंहिता पालना र अनुगमनमा विद्युतीय माध्यम वा सूचना प्रविधिको उच्च उपयोग गर्ने रणनीति आयोगले लिएको छ । मस्यौदामा राजनीतिक दलहरूले आफ्नो निर्वाचन घोषणापत्र अनिवार्य रूपमा सार्वजनिक गर्नुपर्ने व्यवस्था समेत गरिएको छ ।

एक्सप्रेस

सम्बन्धित खबर

एकता सम्झौतामाथि संकट : रास्वपासँग दूरी बढेपछि कुलमान उज्यालो नेपाल पार्टीबाटै अघि बढ्ने तयारीमा

काठमाण्डौँ । राष्ट्रिय स्वतन्त्र पार्टी रास्वपासँग एकता सम्झौता भएको दुई साता नपुग्दै कुलमान घिसिङ रास्वपाबाट अलग हुने दिशातर्फ पुगेका छन् । तत्काल नयाँ र ठोस समझदारी नबने कुलमानले अघि बढाएको उज्यालो नेपाल पार्टी उनेपा रास्वपामा नअडिने लगभग निश्चि...

पुराना अनुहारले कांग्रेस संकटमा, नयाँ नेतृत्व अपरिहार्य : उमेश श्रेष्ठ

विराटनगर । नेपाली कांग्रेसका कोषाध्यक्ष उमेश श्रेष्ठले कांग्रेसभित्र अब पूरानो शैली र अनुहारभन्दा नयाँ, पढेलेखेका, उद्यमशील र विषयविज्ञ युवालाई नेतृत्वमा ल्याउनुपर्ने आवश्यकता औंल्याएका छन् । ने...