धानको समर्थन मूल्य : प्रतिक्विन्टल मूल्य ३६ सय ६० रूपैयाँ

काठमाडौँ । सरकारले धान लगाउनु अगावै आगामी आर्थिक वर्षको लागि धानको न्यूनतम समर्थन मूल्य तोक्ने सकारात्मक निर्णय गरेको छ। सोमबार बसेको मन्त्रिपरिषद् बैठकले कृषि, वन तथा पर्यावरण मन्त्रालयको प्रस्तावलाई स्वीकृत गर्दै यो मूल्य निर्धारण गरेको हो, जसको जानकारी सरकारका प्रवक्ता सस्मित पोखरेलले दिए ।

यस निर्णय अनुसार आगामी आर्थिक वर्षका लागि मोटो धानको मूल्य प्रतिक्विन्टल ३६ सय ६० रूपैयाँ तोकिएको छ, जुन चालु आर्थिक वर्षको ३४ सय ६३ रूपैयाँको तुलनामा १९७ रूपैयाँले बढी हो। यसैगरी, मध्यम धानको मूल्य चालु वर्षको ३६ सय २८ रूपैयाँबाट २३२ रूपैयाँले बढाएर आगामी वर्षका लागि प्रतिक्विन्टल ३८ सय ६० रूपैयाँ कायम गरिएको छ ।

सरकारले यस पटक खेती सुरु हुनुभन्दा अगावै समर्थन मूल्य तोकिदिएकाले किसानहरूलाई आफ्नो उत्पादनको उचित मूल्य सुनिश्चित गर्न र खेतीको योजना बनाउन ठूलो मद्दत पुग्ने देखिन्छ ।

एक्सप्रेस

सम्बन्धित खबर

सुनचाँदीको मूल्यमा गिरावट, आज कतिमा हुँदैछ कारोबार ?

काठमाडौँ । नेपाली बजारमा बिहीबार सुन र चाँदी दुवैको मूल्य घटेको छ । आज सुनको मूल्य तोलामा २ हजार रुपैयाँले घटेको हो । नेपाल सुनचाँदी व्यवसायी महासंघका अनुसार बिहीबार छापावाल सुनको मूल्य तोलामा २ लाख ६५ हजार ७०० रुपैयाँ कायम भएको छ । बुधबार छापावाल...

जेन–जी आन्दोलनका घाइतेलाई मासिक भत्ता : सरकारले सुरु गर्‍यो चार तहको वर्गीकरण

काठमाडौँ । सरकारले गत भदौ २३ र २४ गते युवापुस्ता जेनजीद्वारा गरिएको प्रदर्शनका क्रममा घाइते भएकाहरूको वर्गीकरण गर्ने कार्यलाई तीव्रताका साथ अघि बढाएको छ। जेनजी प्रदर्शनमा घाइते भएका व्यक्तिहरूको अपाङ्गताको अवस्था र चोटको गम्भीरताका आधारमा आर्थिक स...