काठमाडौँ ।  सभामुख डोलप्रसाद अर्यालले प्रतिनिधि सभामा प्रतिनिधित्व गर्ने सबै राजनीतिक दलका प्रमुख सचेतक तथा सचेतकहरूसँग छलफल गर्ने भएका छन् । यो बैठक आज बिहान १०:०० बजे सिंहदरबारस्थित कानुन समितिको हलमा बस्ने तय भएको छ ।

बैठकको मुख्य एजेन्डा कूटनीतिक राहदानी डिप्लोम्याटिक पासपोर्ट सिफारिस र यससँग सम्बन्धित व्यवस्थाका विषयमा केन्द्रित रहने बताइएको छ। पछिल्लो समय कूटनीतिक राहदानीको प्रयोग र सिफारिस प्रक्रियालाई लिएर विभिन्न छलफलहरू भइरहेका सन्दर्भमा सभामुखले सबै दलको साझा धारणा बुझ्न र आवश्यक समन्वय गर्न यो बैठक बोलाएका हुन् ।