काठमाडौँ । नवनियुक्त युवा तथा खेलकुद मन्त्री बब्लु गुप्तामाथि ‘पैसाका लागि जे पनि गर्ने’ आरोप लागेको छ । सामाजिक सञ्जालमा चर्चित शोभा पाठकले मन्त्री गुप्ताले आफूलाई एक्लै कोठामा राखेर धम्की दिएको बताएकी छन् । ‘बब्लु गुप्ता पैसाका लागि जे पनि गर्न सक्ने मान्छे हो। मलाई एक्लै कोठामा लगेर धम्की दिइयो,’ एक युट्युब च्यानलसँग कुरा गर्दै उनले भनेकी छन्, ‘केही दिनअघि माइतीघरमा भेट्दा उहाँले मेरो आँखामा पनि हेर्न सकेनन्, नमस्कार गरेर तुरुन्तै फर्किनुभयो।’

गुप्ताले नेकपा एमाले नेता महेश बस्नेतसँग मिलेर आफूलाई दुर्गा प्रसाईंविरुद्ध मुद्दा हाल्न धम्की दिएको उनको आरोप छ ।