देउवालाई ‘सुवर्ण शमशेर पथ’ पछ्याउन शर्माको आग्रह

काठमाडौँ । नेपाली कांग्रेसका महामन्त्री विश्वप्रकाश शर्माले पार्टी महाधिवेशनका लागि दुईवटा विकल्प रहेको बताएका छन् । जेनजी प्रदर्शनका क्रममा आगजनी गरिएका इलामका कांग्रेस कार्यालयहरूको अवलोकनपछि आयोजित कार्यक्रममा उनले महाधिवेशन सम्भव छ भन्दै दुवै विकल्प कार्यान्वयनयोग्य रहेको स्पष्ट पारे ।

शर्माले भने, ‘समय घर्किँदै गयो, अब नियमित महाधिवेशन सम्भव हुन्छ रु तपाईं साथीहरूको जिज्ञासामा म प्रष्ट छु । सबै ऐक्यबद्ध भएर जुटौं, महाधिवेशन सम्भव छ, विकल्प दुईवटा छन् ।’

उनका अनुसार पहिलो विकल्प( पुस अन्तिम सातामा नियमित महाधिवेशन गर्ने गरी तत्कालै कार्यतालिका निर्माण गर्नु । तयारीको क्रममा केही दिन अपुग भएमा थप १५ दिन लिएर महाधिवेशन सम्पन्न गर्न सकिने उनले बताए । ‘समानुपातिकको सूची बुझाउने मिति वा फागुन २१ गतेको चुनाव केही पछि सर्न सक्ने सम्भावनालाई शान्त वातावरणको आवश्यकता र हिमाली भेगको मौसमी चुनौतीका आधारमा राजनीतिक सहमतिबाट हल खोज्न सकिन्छ,’ शर्माले भने ।

शर्माले दोस्रो विकल्पका रूपमा २०१४ सालमा तत्कालीन सभापति सुवर्ण शमशेरले गरेको निर्णय जस्तै सभापति शेरबहादुर देउवाले विशेष महाधिवेशन बोलाउने बाटोलाई व्याख्या गरे ।

एक्सप्रेस

सम्बन्धित खबर

उज्यालो नेपाल पार्टीका उम्मेदवार कांग्रेस प्रवेश

डोल्पा । उज्यालो नेपाल पार्टीबाट उम्मेदवारी दर्ता गरेका दिल बहादुर विष्ट नेपाली कांग्रेसमा प्रवेश गरेका छन् । आगामी फागुन २१ मा हुने प्रतिनिधिसभा निर्वाचनका लागि माघ ६ गते मुख्य निर्वाचन अधिकृतको कार्यालयमा उम्मेदवारी दर्ता गरेका विष्ट शनिबार कांग...