सामाजिक सद्भाव कायम गर्न गृहको १० बुँदे निर्देशन

काठमाडौँ । धार्मिक तथा सामाजिक सद्भाव खलबलिन थालेपछि गृह मन्त्रालयले ७७ वटै जिल्ला प्रशासन कार्यालयलाई १० बुँदे निर्देशनात्मक सर्कुलर जारी गरेको छ । गैरकानुनी गतिविधिमा संलग्न जो–कोहीलाई तत्काल कानुनी दायरामा ल्याउन र कारबाही प्रक्रिया अघि बढाउन प्रमुख जिल्ला अधिकारीहरूलाई निर्देशन दिइएको छ ।

सर्कुलरमा राजनीतिक दल, धार्मिक तथा सामाजिक अगुवासँग समन्वय गरी सद्भाव प्रवर्द्धन गर्न, सीमा क्षेत्रमा कडाइका साथ चेकजाँच गर्न तथा स्थानीय भाषामार्फत सचेतना कार्यक्रम सञ्चालन गर्न भनिएको छ। साथै, प्रत्येक जिल्लामा प्रमुख जिल्ला अधिकारीको संयोजकत्वमा ‘जिल्ला शान्ति तथा सामाजिक सद्भाव समिति’ गठन गरिने गृहले जनाएको छ।