काठमाडौँ । राष्ट्रिय स्वतन्त्र पार्टी रास्वपाले आगामी निर्वाचनलाई लक्षित गरेर आफ्नो राजनीतिक गतिविधि तीव्र बनाउने निर्णय गरेको छ । आइतबार पार्टी कार्यालयमा बसेको सचिवालय बैठकपछि नेता गणेश पराजुलीले रास्वपा लोकतान्त्रिक सिद्धान्तमा आधारित पार्टी भएकाले अब सम्पूर्ण ध्यान निर्वाचन तयारीमा केन्द्रित गर्ने निर्णय भएको जानकारी दिए ।

उनका अनुसार निर्वाचनलाई सफल बनाउन अन्य राजनीतिक दलहरूले पनि सक्रिय भूमिका खेल्नुपर्ने रास्वपाको मत रहेको छ । साथै, न्याय, सुशासन र भ्रष्टाचारविरुद्धको अभियानमा सरकारलाई पूर्ण समर्थन रहने स्पष्ट गरिएको छ ।