बुधबार, ३१ असार २०८३
नेपाली

रवि, कुलमान, बालेन र हर्क साम्पाङलाई मिलाउने प्रयासमा जेनजी अगुवा

Main News Image

काठमाडौँ । आसन्न निर्वाचनका लागि केही राजनीतिक दल र फरक फरक समूहमा रहेका जेनजी अभियानकर्मीहरूलाई मिलाएर एउटा वैकल्पिक राजनीतिक शक्ति बनाउने प्रयास भइरहेको यसमा संलग्न केही व्यक्तिले बताएका छन् । बिहीवार राष्ट्रिय स्वतन्त्र पार्टीका सभापति रवि लामिछानेलाई भेट्न नक्खु कारागार पुगेका जेनजी अगुवा सुधन गुरुङले आफूले त्यस विषयमा लामिछानेसँग कुरा भएको बताए ।

उनका अनुसार लामिछाने नेतृत्वको रास्वपा, ऊर्जामन्त्री कुलमान घिसिङ प्रत्यक्ष नदेखिए पनि उनकै अगुवाइमा बनेको भनिएको उज्यालो नेपाल पार्टी र धरान उपमहानगरका मेयर हर्क साम्पाङको नेतृत्वमा बनेको श्रम संस्कृति पार्टीलाई एकजुट भएर चुनावमा जान जेनजी युवाहरूले सुझाव दिँदै आएका छन्।

यही समूहमा कुनै पनि दलमा नखुलेका काठमाडौँ महानगरका मेयर बालेन्द्र शाह ुबालेनु, रास्वपाबाट बाहिरिएकी भूतपूर्व शिक्षामन्त्री सुमना श्रेष्ठ, गत निर्वाचनमा नेपाली कांग्रेसका सभापति शेरबहादुर देउवासँग प्रतिस्पर्धा गरेका सागर ढकाल र हालै हाम्रो पार्टी नेपाल नामक दल दर्ता गरेका दलित अभियानकर्मी खगेन्द्र सुनारलाई पनि समेट्ने प्रयास भइरहेको वार्तामा संलग्नहरूले बताएका छन्।

वैकल्पिक राजनीतिको अभ्यास गरिरहेका र राजनीतिमा कम विवादित शक्ति र व्यक्तिलाई एकै ठाउँमा ल्याएर जेनजी आन्दोलनमा संलग्न नवयुवाहरूका लागि पनि स्वीकार्य हुने वैकल्पिक शक्ति निर्माणको अभ्यास भइरहेको रास्वपा र उज्यालो नेपाल पार्टीका नेताहरूले पुष्टि गरेका छन्। ुवैकल्पिक शक्तिहरूका बीचमा संवाद निरन्तर भइरहेको नै छ। सबैभन्दा एक ठाउँमा भएर जानुपर्छ भन्ने कतिपय विषयमा हामी नजिक पनि छौँ, रास्वपाका महामन्त्री कवीन्द्र बुर्लाकोटी भन्छन्। रास्वपा विघटित प्रतिनिधिसभामा चौथो ठूलो दल थियो । पहिलो पटक भाग लिएको निर्वाचनबाटै उदाएको उक्त दलले विवेकशील साझा पार्टीसँग एकता गरिसकेको छ ।

mediabaaji add

सम्बन्धित खबर

‘चुनावमा पैसाको चलखेलप्रति चनाखो बनौँ’ : प्रधानमन्त्री कार्की

काठमाडौँ । प्रधानमन्त्री सुशीला कार्कीले लोकतान्त्रिक निकासका लागि निर्वाचन एक मात्र विकल्प भएकाले समाजका सबै तह र तप्काबाट सहयोगको अपेक्षा गरेको बताएका छन् । चुनावमा पैसाको खेल हुन नदिन समुदायस्तरबाटै सबै चनाखो हुनुपर्ने उनको भनाइ छ ।

प्रधा...

मानव बेचबिखन रोकथाम गर्न सरकार संवेदनशील छ : मन्त्री श्रेष्ठ

मोरङ । सङ्घीय महिला, बालबालिका तथा ज्येष्ठ नागरिकमन्त्री श्रद्धा श्रेष्ठले मानव बेचबिखन गम्भीर अपराध भएकाले यसको रोकथाम गर्न सरकार संवेदनशील रहेको बताएकी छिन् । मन्त्रालय र माइती नेपालद्वारा विराटनगर आयोजित दुई दिने ‘नेपाल–भारत सीमा क्षेत्रमा मानव...

रास्वपा केन्द्रीय समिति : कुलमान समूहबाट उपसभापतिसहित १२ जना

काठमाडौँ । राष्ट्रिय स्वतन्त्र पार्टी रास्वपाको केन्द्रीय समितिमा उज्यालो नेपालको टिमबाट १२ जना थप हुने भएका छन् । आइतबार बसेको रास्वपा केन्द्रीय समिति बैठकले सहमतिलाई अनुमोदन गरेको हो । आजै विवेकशील साझाबाट आएका ७ जना केन्द्रीय समितिमा थपिएका थिए...

केपी ओलीलाई अनुमति बिना काठमाडौं छाड्न लगाइएको प्रतिबन्ध फुकुवा

काठमाडौँ । पूर्वप्रधानमन्त्री एवं नेकपा एमाले अध्यक्ष केपी शर्मा ओलीको स्थान हद फुकुवा भएको छ । भदौ २३ र २४ गतेको आन्दोलनका घटनाको छानबिन तथा जाँचबुझ आयोगले ओलीलाई अनुमति बिना काठमाडौं उपत्यका छाड्न र विदेश जान रोक लगाएकोमा अब सो स्थान हद फुकुवा ग...

एमडिएमएस प्रणाली भ्रष्टाचारको जालोभित्र जकडिएको छ, त्यो च्यात्नैपर्छ : सञ्चारमन्त्री खरेल

काठमाडौँ । सञ्चार तथा सूचना प्रविधिमन्त्री जगदिश खरेलले मोबाइल डिभाइस म्यानेजमेन्ट सिस्टम एमडिएमएसका विषयमा आफू मन्त्री बनेपछि अध्ययन, बुझाइ र समीक्षा गरेको बताएका छन् । शनिबार नेपाल मोबाईल व्यवसायी संघ काठमाडौंको दोस्रो अधिवेशन तथा तेस्रो साधारण...

सुनसरी- १ मा हर्क साम्पाङ विजयी

काठमाडौँ । प्रतिनिधिसभाको निर्वाचनमा सुनसरी १ मा श्रम संस्कृति पार्टीका अध्यक्ष हर्क साम्पाङ निर्वाचित भएका छन् । साम्पाङ भारी मतान्तरले विजय भएका हुन्। साम्पाङले ३५ हजार ७४१ मत ल्याएका छन् । उनका निकटतम प्रतिष्पर्धी रास्वपाकी गोमा तामाङ सरिनले भन...