रातो मच्छिन्द्रनाथको रथ ठटीटोल पुर्याइयो, आज साँझ ‘नरिवल खसाल्ने जात्रा’
-
मिडियाबाजी
- बुध, १६ वैशाख २०८३
काठमाडौँ । वर्षा र सहकालका देवता मानिने प्रसिद्ध रातो मच्छिन्द्रनाथको रथलाई आज ललितपुरको लगनखेलस्थित ठटीटोल पुर्याइएको छ । रथ यात्राको निर्धारित तालिकाअनुसार भक्तजन र जात्राका सहभागीहरूले उत्साहपूर्वक रथ तानेर ठटीटोल पुर्याएका हुन् ।
रथ ठटीटोल आइपुगेसँगै आजै साँझ यहाँको विशेष आकर्षण मानिने ‘नरिवल खसाल्ने जात्रा’ सम्पन्न गरिनेछ । रथको माथिल्लो भाग गजुरी नजिक बाट नरिवल खसाल्ने यो परम्परा हेर्न र खसालिएको नरिवल समात्नका लागि ठटीटोलमा श्रद्धालुहरूको ठूलो भीड लाग्ने गर्दछ। प्रचलित जनविश्वासअनुसार यो नरिवल समात्न सक्ने व्यक्तिलाई शुभ फल प्राप्त हुने र सन्तान प्राप्ति हुने मानिन्छ ।
आज साँझ नरिवल खसाल्ने विधि सकिएपछि जात्राको यो चरण विधिवत् रूपमा अगाडि बढ्नेछ । ललितपुरको सबैभन्दा लामो र सांस्कृतिक रूपमा महत्वपूर्ण मानिने यस जात्रालाई व्यवस्थित र सुरक्षित बनाउन स्थानीय प्रशासन तथा सरोकारवाला निकायहरूले विशेष सक्रियता देखाएका छन् ।
सम्बन्धित खबर
लक्ष्मीपूजाः धन, धर्म र मातृशक्तिको आराधना
काठमाडौँ । कार्तिक कृष्ण औंसीका दिन मनाइने लक्ष्मीपूजा हिन्दू धर्मावलम्बीहरूको लागि अत्यन्त महत्वपूर्ण पर्व हो । धन र समृद्धिको प्रतीकका रूपमा मात्र नभई, मातृशक्ति, मुक्ति र भुक्तिको प्रतीकका रूपमा पनि माता लक्ष्मीको आ...