काठमाडौँ । राष्ट्रिय स्वतन्त्र पार्टी रास्वपाको केन्द्रीय समितिमा उज्यालो नेपालको टिमबाट १२ जना थप हुने भएका छन् । आइतबार बसेको रास्वपा केन्द्रीय समिति बैठकले सहमतिलाई अनुमोदन गरेको हो । आजै विवेकशील साझाबाट आएका ७ जना केन्द्रीय समितिमा थपिएका थिए । अब उज्यालो नेपाल र बालेनको टिमबाट समेत थप गर्दा १०४ सदस्यीय केन्द्रीय समिति बन्ने भएको छ ।

कुलमान घिसिङलाई उपसभापति बनाउने रास्वपाले गत पुस ४ मै सहमति गरिसकेको थियो । एक नेताका अनुसार रास्वपामा कुलमान घिसिङ दोस्रो वरीयतामा रहनेछन् । बालेन तेस्रो, डिपी अर्याल चौथो र स्वर्णिम वाग्ले पाँचौँ वरीयतामा रहनेछन् । यसअघि रवि पार्टी सभापति र बालेनलाई प्रधानमन्त्रीको उम्मेदवार बनाउने सहमति भइसकेको छ ।