चुनाव जिते पनि रबि लामिछानेले सांसद बन्न पाउँदैनन् ?

काठमाडौँ । राष्ट्रिय स्वतन्त्र पार्टी रास्वपा सभापति रवि लामिछानेले चुनाव जिते पनि सांसद पद नपाउने चर्चा फैलिए पनि उनले यस्तो नहुने बताएका छन् । उनका विरोधीहरूले यही कुरालाई आधार बनाएर उनलाई भोट नदिन मतदातालाई प्रोत्साहित गरेको खबरहरू आएका छन् । चितवन क्षेत्र नम्बर २ बाट तेस्रो पटक उम्मेदवार बनेका लामिछाने हाल आफ्नो निर्वाचन क्षेत्रमा पार्टी पङ्क्तिसँग भेटघाट र मतदातासँग अन्तरक्रिया गर्दै छन् ।

यसै क्रममा एक मतदाताले सांसद निर्वाचित भए पनि स्वतः निलम्बन हुने प्रावधानबारे प्रश्न सोध्दा उनले स्पष्ट पारे, सभामुख पहिलेकै देवराज घिमिरे भए त होला स्वतः निलम्बन । ओलीको आदेशमा टाँसिदिने भए होला । तर, यो देशमा नियम, कानुन, संसदीय नियमावली र सिस्टम छ। सबै कुरा कानुन बमोजिम हुन्छ।

उनले थपे, म सांसद नभए पनि जनताका लागि काम गर्न सक्छु। म राजनीतिमा आउनुअघि पत्रकार थिएँ, पत्रकारको रूपमा पनि केही काम भएको थियो। मान्छे मात्र भए पर्याप्त हुन्छ। प्रतिशोधपूर्ण वा गलत क्रियाकलाप भएमा कानुनी प्रक्रियामा जानेछु। मलाई अदालत र न्याय प्रक्रियामा विश्वास छ।

हाल रविविरुद्ध देशका विभिन्न अदालतमा सहकारी ठगी, सम्पत्ति शुद्धीकरण र सङ्गठित अपराधसम्बन्धी मुद्दा विचाराधीन छन् । महान्यायाधिवक्ताको कार्यालयले केही मुद्दा फिर्ता गर्ने निर्णय गरे पनि कार्यान्वयन भइसकेको छैन । अदालतमा मुद्दा विचाराधीन रहेकाले सांसद पदमा रहन नपाउने कानुनी प्रावधान लागू हुन सक्छ।

एक्सप्रेस

सम्बन्धित खबर

समानुपातिकतर्फ ७५ लाख ७५ हजार १९३ गणना हुँदा रास्वपालाई ३६ लाख ७२ हजार २६५ मत

काठमाडौँ । प्रतिनिधिसभा सदस्यको समानुपातिक निर्वाचन प्रणालीतर्फ हालसम्म कूल ७५ लाख ७५ हजार १९३ मत गणना भएको छ । निर्वाचन आयोगबाट प्राप्त तथ्यांककअनुसार आज विहान ६ बजे सम्मको विवरण अनुसार राष्ट्रिय स्वतन्त्र पार्टीले सबैभन्दा बढी अर्थात् ३६ लाख ७२...

पुराना अनुहारले कांग्रेस संकटमा, नयाँ नेतृत्व अपरिहार्य : उमेश श्रेष्ठ

विराटनगर । नेपाली कांग्रेसका कोषाध्यक्ष उमेश श्रेष्ठले कांग्रेसभित्र अब पूरानो शैली र अनुहारभन्दा नयाँ, पढेलेखेका, उद्यमशील र विषयविज्ञ युवालाई नेतृत्वमा ल्याउनुपर्ने आवश्यकता औंल्याएका छन् । ने...