काठमाडौँ । प्रधानमन्त्री बालेन्द्र शाहले काठमाडौं उपत्यका लगायत देशका विभिन्न प्रमुख सहरहरूमा सार्वजनिक जग्गा मिचेर बनाइएका सुकुम्बासी बस्तीहरूलाई अविलम्ब हटाउन सम्बन्धित सुरक्षा निकायका प्रमुखहरूलाई निर्देशन दिएका छन् ।

शनिबार प्रधानमन्त्री निवास बालुवाटारमा आयोजित एक उच्चस्तरीय सुरक्षा बैठकमा प्रधानमन्त्री शाहले लामो समयदेखि सार्वजनिक सम्पत्तिमाथि कब्जा जमाएर बस्दा विकास निर्माणका कामहरू ठप्प भएको र सहरी सुन्दरता तथा वातावरणमा समेत प्रतिकूल असर पुगेको भन्दै आगामी आइतबारदेखि नै अतिक्रमण हटाउने अभियान तीव्र गतिमा अघि बढाउन निर्देशन दिएका हुन् ।

लामो समयदेखि विवादित बन्दै आएको सार्वजनिक जग्गा अतिक्रमणको समस्यालाई अब थप समय दिन नसकिने निष्कर्ष निकाल्दै प्रधानमन्त्रीले सुरक्षा प्रमुखहरूलाई तत्काल कार्ययोजना बनाएर अघि बढ्न आग्रह गरेका छन् ।