प्रधानमन्त्री कार्कीको सेनालाई निर्देशन : चुनावमा एक जना पनि घाइते नहोस्

काठमाडौँ । प्रधानमन्त्री सुशीला कार्कीले आगामी चुनावमा ुएक थोपा पनि रगत नबग्ने र एक जना पनि घाइते नहुनेु सुनिश्चित गर्दै काम गर्न नेपाली सेनालाई निर्देशन दिएकी छन् । उनले नेपाली सेनाको मुख्यालय जंगी अड्डाको निरीक्षण भ्रमणपछि निर्वाचन सुरक्षा तयारीबारे ब्रिफिङ सुनेकी थिइन् । त्यसपछि, प्रधानमन्त्री कार्कीले भनिन्, ‘मैले यसअघि पनि भन्दै आएको छु कि आगामी चुनावमा एक थोपा पनि रगत बग्नु हुँदैन र एक जना पनि घाइते हुनुहुँदैन । यसअघिका चुनावको अनुभव र आसन्न चुनावका आयामको विश्लेषण गर्दै सुरक्षा संवेदनशीलताका आधारमा सबै सुरक्षा निकायसँग समन्वयात्मक र त्रुटिरहित ढङ्गले काम गर्न म निर्देशन दिन्छु।’

उनले जनतालाई सुरक्षाको प्रत्याभूति दिने, प्रहरी कारबाही सहज र सुरक्षित हुने वातावरण बनाउने तथा सबै राजनीतिक गतिविधि अवरोधबिनै सञ्चालन हुने अवस्था तयार गर्न स्पष्ट कार्य योजनासहित अघि बढ्न निर्देशन दिइन् । साथै, जेनजी आन्दोलनका क्रममा लुटिएका वा हराएका हातहतियार फेला पार्न, नियन्त्रणमा लिन र फरार अपराधी पक्राउ गर्न प्रहरीले मागेअनुसार सक्दो सहयोग गर्न सेनालाई आग्रह गरिन् । सो अवसरमा नेपाली सेनाले हालको सुरक्षा अवस्था, चुनौती र आगामी योजनाबारे जानकारी गरायो । साथै निर्वाचन सुरक्षामा सेनाको भूमिका र परिचालन योजनाबारे प्रस्तुतीकरण पनि गरिएको थियो ।

एक्सप्रेस

सम्बन्धित खबर

आचारसंहिता अनुमगनका लागि अनुमगन अधिकृत तोकियो

काठमाडौँ । निर्वाचन आयोगले निर्वाचन आचारसंहिता अनुगमनका लागि अनुमगन अधिकृत तोकेको छ । आयोगका प्रवक्ता नारायणप्रसाद भट्टराईका अनुसार, जिल्लास्तरमा आचारसंहिता अनुमगनलाई प्रभावकारी बनाउनका लागि सहायक प्रमुख जिल्ला अधिकारीलाई तोकिएको छ। सहायक प्रमुख ज...

मन्त्रिपरिषद् बैठकका ६ निर्णय केके हुन् ?

काठमाडौँ । सरकारले वित्तीय क्षेत्र विकास रणनीति २०८२,०८३ देखि २०८६,०८७ स्वीकृत गर्ने निर्णय गरेको छ । आजै बसेको मन्त्रिपरिषद् बैठकले वित्तीय क्षेत्र विकास रणनीति स्वीकृत गर्ने निर्णय गरेको हो ।

यस्ता छन् निर्णयहरू

– अन्तर्राष्ट्रिय एकी...