काठमाडौँ ।  संयुक्त अरब इमिरेट्स यूएईको शारजाहबाट पाकिस्तानको कराँचीका लागि उडेको पाकिस्तान के–टू एयरवेजको कार्गो विमान सम्पर्कविहीन भएको छ। विमानसँग सम्पर्क टुटेपछि पाकिस्तानी नौसेना, वायुसेना तथा अन्य सम्बन्धित निकायले खोजी तथा उद्धार अभियान तीव्र बनाएका छन् ।

बीबीसी उर्दूका अनुसार बोइङ ७३७ कार्गो विमानमा चालक दलका पाँच जना सदस्य सवार थिए। पाकिस्तान एयरपोर्ट अथोरिटीले मंगलबार राति पाकिस्तान समयअनुसार ९स्१८ बजे विमानको नेभिगेसन प्रणालीमा समस्या आएको सूचना प्राप्त भएको जनाएको छ । सूचना प्राप्त हुनासाथ कराँची एरिया कन्ट्रोल सेन्टरले विमानलाई मार्गनिर्देशन गर्न सुरु गरेको थियो । तर राति ९स्२१ बजे राडारमा विमान तीव्र गतिमा तल झर्दै गरेको देखिएको र त्यसको दिशा पनि अचानक परिवर्तन भएको बताइएको छ ।