पाकिस्तानका प्रधानमन्त्री साउदी अरब र सेना प्रमुख इरान भ्रमणमा : शान्ति वार्ताको प्रयास

काठमाडौँ । पाकिस्तानका प्रधानमन्त्री शहबाज सरिफ साउदी अरब र सेना प्रमुख असीम मुनिर इरान पुगेका छन् । जसलाई अमेरिका र इरान बीचको शान्ति वार्ता पुनः सुरु गर्ने सम्भावित नयाँ चरणको तयारीको रूपमा हेरिएको अन्तर्राष्ट्रिय सञ्चारमाध्यमले जनाएका छन् । प्रधानमन्त्री शहबाज सरिफ साउदी अरबको चार दिने भ्रमणमा छन् ।

उनले त्यहाँका उच्च अधिकारीहरूसँग भेटवार्ता गरिरहेका छन् । यो भ्रमण पाकिस्तानको सक्रिय कूटनीतिक भूमिकामा महत्त्वपूर्ण मानिएको छ भने अमेरिका र इरानबीचको वार्ता पुनः सुरु गर्न मद्दत पुर्याउने आशा गरिएको छ।

यस भ्रमणमा सरिफले साउदी राजकुमार मोहम्मद बिन सलमानसँग क्षेत्रीय अवस्थाबारे छलफल गरे । साथै कतार र टर्कीको भ्रमण गर्ने योजना बनाएका छन्।