काठमाडौं– साताको दोस्रो कारोबार दिन नेप्से परिसूचक २८.७३ अंकले बढेर २६३९.३७ विन्दुमा पुगेको छ । ३३५ कम्पनीको १ करोड २४ लाख कित्ता सेयर किनबेच हुँदा ६ अर्ब ४७ करोड रुपैयाँको कारोबार भयो । २१४ कम्पनीको सेयर मूल्य बढ्दा ३७ कम्पनीको घट्यो ।

आज शिवम् सिमेन्टको सर्वाधिक ३८ करोड ६९ लाख रुपैयाँको कारोबार भयो । सागर डिस्टिलरी, एसवाई प्यानल, श्रीनगर एग्रीटेक, बन्दीपुर केबलकार र रु रु जलविद्युत १० प्रतिशतले बढे । स्ट्यान्डर्ड चार्टर्ड बैंक डिबेन्चरका लगानीकर्ताले भने २.४९ प्रतिशत गुमाए ।