नेपाली कम्युनिष्ट पार्टीद्वारा स्वच्छ, निष्पक्ष निर्वाचनका लागि आह्वान

काठमाडौँ । नेपाली कम्युनिष्ट पार्टीले वर्तमान राजनीतिक परिस्थिति र आसन्न निर्वाचनबारे आफ्नो धारणा सार्वजनिक गर्दै स्वच्छ, निष्पक्ष र भयरहित वातावरणमा निर्वाचन सम्पन्न गर्न सरोकारवाला सबै पक्षलाई जिम्मेवार बन्न आह्वान गरेको छ ।

मंगलबार पत्रकार सम्मेलनमा पार्टीले देश जटिल र संवेदनशील अवस्थाबाट निर्णायक निर्वाचन प्रक्रियातर्फ अघि बढिरहेको उल्लेख गर्दै तोकिएको समयमै निर्वाचन हुनुपर्ने आफ्नो अडान वस्तुगत परिस्थितिमा आधारित र सही सावित भएको दाबी गरेको छ। युवापुस्ताको आन्दोलनपछिको अवस्थालाई सामान्य बनाउन पार्टीले इमानदार र निरन्तर प्रयास गरिरहेको पनि जनाएको छ ।

पार्टीले आफ्नो संघर्षपूर्ण इतिहास, स्पष्ट विचार र भावी कार्ययोजनाका आधारमा जनविश्वास बढ्दै गएको दाबी गर्दै संविधान जारीपछिका शासकीय सुधार, संघीय लोकतान्त्रिक गणतन्त्रको सुदृढीकरण, सुशासन, सामाजिक न्याय, आत्मनिर्भर अर्थतन्त्र तथा रोजगारी सिर्जनालगायतका एजेन्डा आफूहरूले निरन्तर उठाउँदै आएको उल्लेख गरेको छ ।

पत्रकार सम्मेलनमा देशले दुई प्रकारका अतिवादको चुनौती सामना गरिरहेको टिप्पणी गरिएको छ। एकातर्फ कुशासनको संरक्षण गर्दै शान्तिपूर्ण आन्दोलन दमन गर्ने प्रवृत्ति र अर्कोतर्फ लोकतन्त्रका आधारस्तम्भमाथि आक्रमण गर्ने गतिविधि दुवै लोकतन्त्र र राष्ट्रिय स्थायित्वका लागि हानिकारक रहेको पार्टीको धारणा छ ।

एक्सप्रेस

सम्बन्धित खबर

‘पद होइन, जिम्मेवारी प्राथमिकता हो’ — कुलमान घिसिङको स्पष्टोक्ति

काठमाडौँ । उज्यालो नेपाल पार्टीका अध्यक्ष तथा पूर्वमन्त्री कुलमान घिसिङले सरकारमा सहभागी भएको विषयलाई लिएर उठेका प्रश्नप्रति सार्वजनिक रूपमा धारणा राखेका छन् । सरकारबाट बाहिरिएपछि विभिन्न टिप्पणी आउन थालेपछि उनले आफूले सुरुदेखि नै स्पष्ट अडान...

बिहीबारदेखि माइतीघरमा धर्ना : देशभरका जेनजी एकताबद्ध हुन आह्वान

काठमाडौँ । जेनजी समूहहरूबीच एकता कायम गर्न र शहीदहरूको बलिदान नबिर्सन आग्रह गर्दै शुक्रबार माइतीघर मण्डलमा ‘जेनजी युनाइटेड’ नामक समूहले प्रदर्शन गरेको छ । प्रदर्शनमा युवा, बालबालिका र शहीद परिवारका सदस्यहरू...

क्रान्ति र शान्तिको सुरुआतस्थल रुकुमपूर्वमा जनयुद्ध दिवस मनाउँदै नेकपा

रुकुमपूर्व । नेपाली कम्युनिष्ट पार्टी नेकपाले रुकुमपूर्वमा ३०औं जनयुद्ध दिवस मनाउँदै छ । जनयुद्धको सुरुआत भएको रुकुमपूर्वमा सहिद तथा बेपत्ता परिवार, घाइते, अपांग र रुकुमेलीसँग जनयुद्ध दिवस मनाउन पार्टीका संयो...