काठमाडौँ । कर्णालीमा राष्ट्रियसभाका दुई पदका लागि भएको निर्वाचनमा कांग्रेस र एमालेका उम्मेदवार विजयी भएका छन् । अन्य कलस्टरबाट उम्मेदवार बनेका कांग्रेसका ललितजंग शाही र महिलातर्फ उम्मेदवार बनेकी एमालेकी मिनासिं रखाल राष्ट्रियसभामा निर्वाचित भएका हुन् ।

आज भएको मतदानमा ९६।४६ मत खसेको थियो । कुल १९८ मतदाता सङ्ख्यामध्ये १९१ मत खसेको हो । नेकपाका दुवै उम्मेदवार भने पराजित भएका छन्।

प्रदेश सभातर्फ ४० प्रदेश सभा सदस्यमध्ये ३९ जनाले मतदान गरेका छन् भने १ जनाले मत हालेनन् । स्थानीय तहतर्फ १५८ मतदाता सङ्ख्यामध्ये १५२ मत मात्रै खसेको थियो। स्थानीय तहका ६ जना जनप्रतिनिधिहरूले मत खसालेका छैनन् ।