वडा-वडामा मतदाता दर्ता अभियानमा सक्रिय हुन कांग्रेस महामन्त्रीद्वयको निर्देशन

काठमाडौँ । नेपाली कांग्रेसका महामन्त्रीद्वय गगन थापा र विश्वप्रकाश शर्माले पार्टीका मातहतका सबै संगठनलाई मतदाता नामावली अद्यावधिकमा सक्रिय हुन निर्देशन दिएका छन् । निर्वाचन आयोगले आगामी कात्तिक ३० गतेसम्म नयाँ मतदाता दर्ता खुला गरेको सन्दर्भमा दुवै महामन्त्रीले प्रदेशदेखि वडा तहसम्मका पार्टी संरचनालाई छठ पर्व सम्पन्न भएपछि दर्ता प्रक्रियामा पूर्ण रूपमा केन्द्रित हुन आग्रह गरेका हुन् ।

परिपत्रमार्फत सबै तहमा बैठक गरी मतदाता दर्ता अभियानलाई प्राथमिकताका साथ अघि बढाउन भनिएको छ। जिल्ला समितिहरूले आफ्ना क्षेत्रअनुसार टिम बनाएर दर्ता कार्यमा परिचालन गर्नुपर्ने निर्देशन पनि दिइएको छ । त्यसैगरी, शीर्ष नेतृत्वले स्थानीय तहसँग समन्वय गरी उमेर पुगेका युवाहरूमाझ जागरण फैलाउन र उनीहरूलाई नाम दर्तामा सहभागी गराउन आग्रह गरेको छ । नामावली सूचीकृत गर्नका लागि युवा उमेर समूहसँग छलफल गर्न र युवा उमेर समूहबाट खटाउने गरी दर्तामा सहजीकरण गर्न ‘मतदाता दर्ता समूह’ गठन गर्न सुझाव दिइएको छ ।

एक्सप्रेस

सम्बन्धित खबर

प्रवासीको मतदान रोक्ने दलको नाम सार्वजनिक गर्न सुमना श्रेष्ठको आग्रह

काठमाडौँ । पूर्वप्रतिनिधिसभा सदस्य सुमना श्रेष्ठले समय अभाव र दलीय सहमति जुटाउन नसकिने भनाइलाई बहाना बनाउँदै विदेशमा रहेका नेपालीलाई मतदान अधिकारबाट वञ्चित गर्न खोजिएको भन्दै कडा आपत्ति जनाएकी छन् । निर्वाचन आयोगका कार...

क्रान्ति र शान्तिको सुरुआतस्थल रुकुमपूर्वमा जनयुद्ध दिवस मनाउँदै नेकपा

रुकुमपूर्व । नेपाली कम्युनिष्ट पार्टी नेकपाले रुकुमपूर्वमा ३०औं जनयुद्ध दिवस मनाउँदै छ । जनयुद्धको सुरुआत भएको रुकुमपूर्वमा सहिद तथा बेपत्ता परिवार, घाइते, अपांग र रुकुमेलीसँग जनयुद्ध दिवस मनाउन पार्टीका संयो...