वित्तीय सेवामा नेपालीको पहुँच बढ्दै : सूचकाङ्कमा उल्लेखनीय सुधार
काठमाडौँ । नेपालमा वित्तीय सेवाको पहुँच, प्रयोग र गुणस्तरमा उत्साहजनक सुधार देखिएको छ । नेपाल राष्ट्र बैङ्कले आइतबार सार्वजनिक गरेको वित्तीय समावेशीकरण सूचकाङ्कअनुसार आर्थिक वर्ष २०२४र२५ मा समग्र सूचकाङ्क शून्य दशमलव ४७ बाट बढेर शून्य दशमलव ५३ पुगेको छ ।
राष्ट्र बैङ्कको वित्तीय समावेशिता तथा ग्राहक संरक्षण महाशाखाले प्रकाशन गरेको प्रतिवेदनले सेवा विस्तार र डिजिटल माध्यमको बढ्दो प्रयोगका कारण यो प्रगति सम्भव भएको देखाएको हो । बैङ्कका अनुसार वित्तीय सेवामा भएको पहुँच विस्तार र सेवाको गुणस्तरमा आएको सुधारले समावेशीकरणमा स्थिर र व्यापक प्रगति भएको देखिन्छ ।
मानव विकास सूचकाङ्ककै विधि अपनाएर शून्यदेखि एकको मापनमा आधारित भई यो रिपोर्ट तयार पारिएको हो । यसमा पहुँच, प्रयोग र गुणस्तर गरी तीनवटा आयामअन्तर्गत ५५ वटा विभिन्न सूचकहरूलाई आधार मानिएको छ ।
प्रतिवेदनअनुसार पहुँच सूचकाङ्क शून्य दशमलव ५३ पुगेको छ, जसले देशभर वित्तीय संस्था र डिजिटल सेवाका केन्द्रहरूको सञ्जाल विस्तार भएको पुष्टि गर्छ। त्यस्तै, बैङ्किङ र डिजिटल भुक्तानी जस्ता सेवामा सर्वसाधारणको संलग्नता बढ्दा प्रयोग सूचकाङ्क शून्य दशमलव ५४ पुगेको छ भने सेवाको पारदर्शिता र ग्राहक अनुभवमा आएको सुधारले गुणस्तर सूचकाङ्क शून्य दशमलव ५० मा पुगेको छ ।
केन्द्रीय बैङ्कले वित्तीय साक्षरतामा भएको वृद्धि र उपभोक्ता संरक्षण संयन्त्रको सुदृढीकरणले यो सफलता मिलेको उल्लेख गरेको छ । नीतिगत पहल, डिजिटल नवप्रवर्तन र नियामक सुधारले सकारात्मक प्रभाव पारेको भन्दै राष्ट्र बैङ्कले आगामी दिनमा डिजिटल पूर्वाधारलाई अझ बलियो बनाउनुपर्नेमा जोड दिएको छ ।
वित्तीय साक्षरताको प्रवद्र्धन र उपभोक्ता केन्द्रित सेवालाई निरन्तरता दिन सकेमा मात्र यो प्रगतिले दिगो रूप पाउने बैङ्कको ठहर छ । यस प्रतिवेदनले नेपाली अर्थतन्त्रमा डिजिटल बैङ्किङको भविष्य उज्ज्वल रहेको सङ्केत गरेको छ ।
एक्सप्रेस
सम्बन्धित खबर
आगामी आर्थिक वर्षका लागि आन्तरिक ऋणको सीमा निर्धारण
काठमाडौँ । राष्ट्रिय प्राकृतिक स्रोत तथा वित्त आयोगले आगामी आर्थिक वर्ष २०८३,८४ का लागि संघ, प्रदेश र स्थानीय तहले लिन सक्ने आन्तरिक ऋणको सीमा निर्धारण गरेको छ । समष्टिगत आर्थिक अवस्था, राजस्वको प्रवृत्ति, खर्चको दबाब र वित्तीय बजारको अवस्थालाई आध...
नेप्सेमा ४७.५५ अंकको वृद्धि, हाइड्रोपावर कम्पनीहरुको सर्वाधिक कारोबार
काठमाडौँ । साताको पहिलो कारोबार दिन नेप्से परिसूचक ४७.५५ अंकले बढेर २६३३.४२ को विन्दुमा कायम भएको छ । आज दिनभरिमा ३२८ कम्पनीको १ करोड ३४ लाख ६८ हजार १४५ कित्ता सेयर किनबेच हुँदा ५ अर्ब ५३ करोड १३ लाखको सेयर कारोबार भएको छ । आज २३८ कम्पनीको सेयर मू...
एनएमबि बैंकद्वारा डिजिटल नेपालको लागि नयाँ पेमेन्ट गेटवे सुरु
काठमाडौँ । एनएमबि बैंकले नेपाल क्लियरिङ हाउस लिमिटेडसँगको सहकार्यमा देशभर डिजिटल कारोबारलाई सरल र सुरक्षित बनाउन कार्डमा आधारित अनलाइन पेमेन्ट गेटवे सुरु गरेको छ । यो नयाँ सेवाले भौतिक र अनलाइन ई–कमर्स दुवै प्रका...
नबिल बैंकले चिनियाँ अदालतमा भएको त्रिशूली जलविद्युतको मुद्दा जित्यो
काठमाडौँ । नबिल बैंक लिमिटेडले त्रिशूली जलविद्युत् कम्पनी लिमिटेड आयोजनाको काउन्टर ग्यारेन्टीसम्बन्धी मुद्दामा चिनियाँ अदालतमा सफलता हात पारेको छ । चीनको चोङछिङ हाइयर पिपुल्स अदालतले नबिल बैंकको पक्षमा फैसला गरेसँगै चार वटा बैंक ग्यारेन्टीबापत ७४...
एभरेष्ट कलरको आईपीओ भर्ने आज अन्तिम दिन
काठमाडौँ । एभरेष्ट कलर लिमिटेडले जेठ २२ गतेदेखि सर्वसाधारणमा जारी गरिरहेको आईपीओमा आवेदन दिने आज अन्तिम दिन हो । प्रथम चरणमा वैदेशिक रोजगारीमा रहेका नेपालीहरूमा आईपीओ बाँडफाँड गरी दोस्रो चरणमा सर्वसाधारणमा आईपीओ निष्काशन गरिरहेको हो ।
यस कम्...
बागमती प्रदेशले समस्याग्रस्त पाँच सहकारीका बचतकर्ताको रकम फिर्ता गर्ने
काठमाडौँ । बागमती प्रदेश, समस्याग्रस्त सहकारी व्यवस्थापन समितिको कार्यालयले आजदेखि पाँच वटा समस्याग्रस्त बचत तथा ऋण सहकारी संस्थाका साना बचतकर्ताको बचत फिर्ता गर्दैछ ।
समस्याग्रस्त घोषित सिभिल बचत तथा ऋण सहकारी संस्था, दर्शन बचत तथा ऋण सहकार...



