वीरगञ्जमा धार्मिक सद्भाव कायम राख्न सर्वपक्षीय सहमति, अनुमति बिना प्रदर्शन गर्न नपाइने

रौतहट । धनुषा घटनापछि वीरगञ्जमा उत्पन्न तनाव न्यूनीकरणका लागि जिल्ला प्रशासन कार्यालय पर्सामा मंगलबार सर्वपक्षीय बैठक सम्पन्न भएको छ। प्रमुख जिल्ला अधिकारी भोला दाहालको अध्यक्षतामा बसेको बैठकले शान्ति सुरक्षा र सामाजिक सद्भाव कायम गर्न महत्वपूर्ण निर्णयहरू गरेको छ।

बैठकले दीर्घकालीन समाधानका लागि ‘स्थायी सद्भाव संयन्त्र’ गठन गर्ने निर्णय गर्दै जुलुस, प्रदर्शन र सार्वजनिक कार्यक्रमका लागि प्रशासनको पूर्व अनुमति अनिवार्य गर्ने निर्णय गरेको छ। साथै धार्मिक द्वेष फैलाउने र भ्रामक सूचना प्रवाह गर्ने व्यक्ति वा समूहलाई कानुनी दायरामा ल्याइने प्रशासनले जनाएको छ।

यसैबीच, सुरक्षाको अवस्था हेर्दै वीरगञ्जमा जारी कफ्र्युको अवधि आज साँझ ६ बजेसम्म लम्ब्याइएको छ।