काठमाडौँ । अन्तर्राष्ट्रिय क्रिकेट परिषद् आईसीसीले टी–२० विश्वकपका खेल भारतबाट सार्न गरिएको बङ्गलादेश क्रिकेट बोर्ड बीसीबीको अनुरोध अस्वीकार गरेको छ। सुरक्षा कारण देखाउँदै श्रीलंकामा खेल सार्न माग गरिएको भए पनि आईसीसीले तोकिएका स्थलमा कुनै परिवर्तन नहुने स्पष्ट पारेको हो ।

यससँगै बङ्गलादेशले आफ्ना सबै लिग खेल भारतमै खेल्नुपर्नेछ, नत्र खेल नखेलेको खण्डमा अङ्क गुमाउने चेतावनी दिइएको छ । मुस्तफिजुर रहमान आईपीएलबाट बाहिरिएको विषयसँग जोडेर बीसीबीले सुरक्षा चुनौतीको दाबी गरेको थियो ।